Kan Ram Cu Kan Mah Nih Kan Dirh Than Lai Tiah Mino Pawl Cu An Si Khawh Chungin An Cawl Hna

Lebanon ram i an khuapi bik Beirut cu ammonium nitrate timi bomb phunkhat a puak sual ruangah minung 150 lengnih an nunnak an sung hi, minung 5,000 hrawng nih hliam hma an pu.

Hi bomb puak hi a fak tuk lawmmam i a pawng kap kilometre hlatpi um mi pawlzong a hrawk thluh tiah theih a si. Hi thil cang ruangah zaan ihnak hmanh nei lo tiangin a um mi an um, mi tampi inn nei lo an tam tuk i, an cozah nih tutiangah cun mipi ca thiltha a tuah piak rih hna lo.

 

Cu caah hi bantuk a tuar mi pawl cu hmunkhat ah taan in, kan ram cu kan mah nih kan kan dirh than lai tiah, an thilri pawl bomb i a chiatter mi cu an amh bak nih an thenh i an fimhlawm.

An mino pawl cu lungrual tein August 5 inkhan hi thianh hlimh nak cu an thok tiah theih a si. hi lawng si loin kum upa cang mi pawl caah mino pawl nih cun an um nak ding an tawlrel piak hna tiah theih a si.

Cu lawng si loin Ei ding nei lo pawl cu a nei mi nih an hrawmh ve hna hi thil cang ruangah hin an si khawh chungin an mah le an mah an i bawm chan hna tiah theih a si.

 102 total views,  1 views today

This function has been disabled for Chin 11 News.