Kan Nih Cu Ralhrang Dohnak Ding Hriamnam Kan Nei Lo Caah Kan I Din Tiah PDF Phu Khat Nih An Chim

Sagaing ramṭhen ah umhmun khuarmi National People Defence Force – NPDF cu SAC ralkap dohnak dingah hriamngan kan ngeih lo caah dohthlennak ah kan i din cang, tiah fianternak an tuah tiah theih a si.

National People Defence Force – NPDF cu SAC nih nawlngeihnak a lak hnu in SAC ralkap le NPDF karah voi 5 lawng kahdohnak a chuak, tiah theih a si.

NPDF hruaitu bawino Thu Rein nih, “Dohthlennak chungah hriamnam le minung thazaang kan chambau tuk ruangah ralkap hna hi kahdohnak hmun ah ka thlah ti hna lo. A ruang cu hriamnam loin ralram ah thih ding ka siang hna lo,” tiah a chim.

Relchap>>>>Caan sau a rau ti lai lo ralhrang hi an tli an zaam dih cang lai. Kawlralkap hi a zaam kho mi le palek a zaam kho mi cu ni fatin tiawk in an tli an zam cang hna. Min Aung Hlaing taang ah riantuan hi celh dawh an si tilo.

Ramchungah PDF le Tlangcung hriamtlai hna he ni fatin in aa kap cuahmah mi SAc ralhrang hi a tam deuh u cu zaam an duh tuk nain zaam khawh nak lam an neih lo caah an zam kho lo i a si tiah anmah chung ralkap a zaam mi pa nih a chim.

Zeitluk in dah a tu lio ralhrang riantuan a har cu chim nih a neih lo tiah a chim chap. Zaam nak lam a hmu mi hna cu nichair tiawk in hriamtlai dang hna sinah an i fonh i CDM an tuah hna. Palek an si ah ral a tu mi ralhrang an si ah zaam nak lam an kawl cio hna.

Mipi sualnak neilo mi minung tamtuk kan thah hna hi a poituk tiah a chim. Min Aung hlaing kuttang i zungzal um cu an celh cio hna lai tiah a chim chap. A tulio ah lahkhah pawcawmnak hmanh tha thi in an i pe kho ti lo pinah kawlram cu thil man vangtawng in a kai fawn caah ralhrang mi sifak hna ko caah a har khun tiah ralhrang in CDM a tuah mi pakhat nih a chim.

Relchap>>>>>Dalaan ruangah Kan ralkap nunnak liam lengmang hi cu ngeihchia tuk a si .Dalaan cu thah bak ding an si ko.Dalaan , an riantuan mi pawl cu mipi vengtu doh kha a si i zeitin dah mipi vengtu an vaivuanh khawh lai,an i sik khawh lai,zeitindah harnak,temhiinnak. thihnak ,fahnak ,remlonak ,i huatnak ..

a phun phun an ton nak hnga hehtiah an i zuam Peng.Kan ramthatnak ah thazaang a pee bak lo i kan lai Mino CDf,CNA zong a dohkalh Peng mi hna zong hi an si.Ramthatnak in Thatlo a duh deuh mi an si caah an thih ah a tha deuh.Pual nih cun va thi hna seh tiah a ti lai ka zum.

Bible chungah Kan hmuh mi cu ,Paul nih Galatians mi hna a ti ve bak ko hna khah.Kan mah si zong ah,Vancungmi an si zong ah kan in chimhmi thawngttha nak in a dang thawngttha chim in a aupi mi hna cu Hell ah tla ko hna seh tiah a ti ko khah .Thawngttha tak tak chim lo in Thawngtha a hrawk kho tu a deu a chim mi cu Hell ah tla ko hna seh

Ramthat a duh lo i mipi ralkap hnahnawh a pe mi ,mipi ralkap cawlcanghnak hrawh aa zuam Peng mi pawl.dalaan pawl hna cu thah in um ko hne seh.. Credit : Salai Cung Cin Thawng

Yangon ramṭhen KyihMyinDaing, PannPinKyi lam ah nihin september ni 13 zaanlei sangah SAC ralkap an ra i meithal an puah hnuah aruang um loin mino an tlaih hna tiah tualchungmi hna sin in theih a si.

“Zaanlei suimilam 4 hrawngah misawhsawh thilthuam hruk inSAC ralkap pawl cu private mawtaw 3 le taxi 2 in an ra i mino 4 cu an tlaih hna, cun an tuk, an hrem hna hnuah an kalpi hna. Cu hnuah palik mawtaw 2 a rak phan ṭhan” tiah tualchungmi hna nih an chim.

Nihin september ni 13 zaanlei suimilam 4 hrawngah Kyee Myin Daing lampi ah SAC uk duhlonak langhter dingin timhlamhnak an ngeih caah a tuban tukin tlaih an ton hi a si tiah a chim mi zong an um tiah theih a si. Tlaih a tongmi dihlak mino dihlak hi minung 10 leng an si lai tiah tualchungmi hna nih cun an chim. Crd; TCP

Be the first to comment

Leave a Reply

Your email address will not be published.


*