Kan Nih Chung Cu Zung Riantuan In Aa Cawmmi Kan Si. Share Philh Hlah!

Ka pa nih cozah thlahlawh tein cawm mi kan si caah zeitluk in a har ka theih. Thladih a chuah cun kan ei cia man kan cham a hau i a thar lak țhan in kan i cawm. #CDM kong ah fawi tuk in ka chim lo. Kan nih chung cu zung rian țuan in ai cawm mi kan si.

Kan pa farual pali in #CDM kan tuah. A har lai ti theih bu tein kan i awt. Nunnak pe in ram caah ai thap kho mi kan um lo. A tu caan hi kan ram caah rian kan țuan khawh bik lio caan a si.

Kanmah ca lawng kan tuak ahcun zei cozah a kai poh ah kan rian kan țuan cun kan thlahlawh kan hmuh ko lai tiah kan ruah lo a biapi tuk. Kan tefa hna nih kanmah bantuk in an tuar tinak hnga lo le kan chan in a tlau khawh hrimhrimnak caah #CDM tuah cio hna usih tiah kan nawl hna.

#CDM kan tuah ruang ah harnak tampi kan tong ko lai. Cu harnak kan lonh ahcun lawmhnak nih a kan don ko lai. #CDM tuah loin caan chikkhat nuamhnak kan i thim sual cun kan chanchung kan tefa hna tiang nih an tuar lai. Nang zei nai thim lai? #CDM na tuah lai maw? Zung na kai rih lai dah? Credit: Mercy Meng