Kan Miphun Zat He Tahchunh Ahcun Buu Le Phu Hi Cu A Tam Lawlaw In Ka Hmuh

By Salai Z T Lian

Kan miphun zat he tahchunh ahcun Organization, Buu le Phu hi cu a tam lawlaw in ka hmuh. Cheukhat cu min nganpi bunh in ser cio, dirh cio asi. An thawkka ahcun bia dawh/ngaih nuam phunphun an chim– Pathian dirhmi an ti , mah pumpak caah asi lo an ti, pasal/nusal a herh ahcun cakei mei kan itlaih ti lai an ti nain ahnu ahcun zawng para tlei ah an tla tawn.

Chin buu/phu pawl ahhin a tak tuahserhnak lei (practical) ah a thawng taktakmi , a feh taktakmi , lungrual takmi le effective taktakmi hi cu an tlawm tuk rih.

Hmailei caan ahcun kan Chin mino fimthiamnak a ngeimi le pekchannak nun a ngeimi hna nih a kan hruai tik ah khin cun vanlawngkarawn tuah piak , hleidonh piak le lam cawh piak, cozah / ramdang bawmhnak tibantuk level men ah khin cun kan di a riam te bal lai lo dah. Kan iza te lai lo dah.

Cun, Aung San Suu Kyi hna nih laithuam a hruknak men ruangah NLD uartu zong an tlawm deuh te lai dah.

A donghnak ah kan miphun chungah batazi tama lulu , naingngaizi tama lulu pawl a uartu mipi zong khi an zor deuh te ko lai dah.

 130 total views,  1 views today

This function has been disabled for Chin 11 News.