Kan Miphun Cawisannak Caah CNLD Vote Hrimhrim Cang Hna Usih

Catialtu: Jacob R. Thang

1. Kawl Ukhruinak Hnuzulmi kan si tinak hnga lo CNLD Party Vote cang hna usih.

2. Kawl nih an kan chuh cangmi Chin miphun kan Covo kan hmuh t’han khawhnak hnga Chin miphun Covo serpiak dingin thazang a chuahmi CNLD hi bawm cang hna usih.

3. Kan pupa ramri, kan holh le kan ca, kan nunphung tharchuah thannak caah CNLD vote cio hna usih.

4.Chin miphunpi hmelchunhnak caah CHIN THANTAR (Flag) pakhat tang um na duh maw.? Na duh ahcun Chin Party CNLD rak vote hrimhrim ve cang.

5. Miphun huap in Chin kumthar (Chin New Year) le Chin Holidays ngeih khawhnak ding caah CNLD vote zokzok hna Usih.

6. Chin ramkulh cozah chungah ziknawhnak le eihmurnak a um tinak hnga lo CNLD dirpi cang usih.

7. Chin ramkulh chungah Kan miphun he aa tlakmi upadi serkhawhnak caah CNLD kan vote hrimhrim a hau cang.

8. Chin ramkulh chungah Cozah riantuantu vuanthan le hruaitu caah kan mah Chinmi deuh sikhawhnak ding caah CNLD vote hna usih.

9. Central cozahpi ah Kawlram siamremhtu Chin miphun aiawh in kan i tel khawh venak hnga Miphun aiawhtu CNLD party cawisang cang hna usih.

10. Kawl pawl nih Chinmi hi an kan t’ihzah i Miphun thinlung an ngei tuk cang hiteh tiah lau viar in an um nak hnga Miphun Party CNLD ah vote pe viar usih.

NoteĀ #Acunglei miphun tthan chonak pawl khi CNLD nih a tuah colh dingmi( implementation) ansi.
Party dang pawl i Tawre cinthlak le Budget (phaisa) in Chinram siamremh an timmi le sizungzi an tuahmi khi zumh awk ansi ti lo. Aza cang ticu aza cang asi ko.

2020 election ah Chin Party a sungh ahcun Kawl pawl hmai khah zong asi ti lai lo. Ningzak tuk kan si cang lai..

 238 total views,  1 views today

This function has been disabled for Chin 11 News.