Kan Mifim Hna Le Politician Hna Nih Nan Mipi Kan Hleng Hlah Uh! A Dik Mi Thil Le Biahman Kan Chim Uh!

Kan ram buainak a caan a hung sau hnu in miharsa kan karh chin lengmang i, harsatnak kan ton chin lengmang kanmah khua le ram hmanh um ngam loin ramtang kip le hmun dang kip ah kan zam hna. Online in biahal nak a tam pi kan hngalh mi cu kan ral hi kan tei deng maw tiah kan mifim pawl kan hal lengmang hna. Lehnak an kan tuah mi cu kan tei dengmang cang an ti i nihin ni tiangin kan zaam peng ko rih.

kan mifim hna nih dehthlen loin a dik ning tein kan chim hna seh law mipi thinlung hi a dam deuh hnga. Kan mifim tampi zumh awk tha tyi loin mipi thinlung ah an um chin lengmang. Caan sau deuh kan ramkhel ning hi kan kal ko a si ahcun kan i hluhchuah kho lo men mi a si. Atu ning in cun kan ral hi zeitik hmanh ah kan tei kho hna lai lo i, harsatnak hi kan tuar peng rih ko lai.

A tu lio ah kan ram buai si zawtnak ruangah ramchung mi chim loin, kanmah chinram koko hmanh ah miharsa kan karh ning le zingzaan ei awk neilo in khua a sa mi an tamtuk cang. Ramdang in ralzaam bawmhnak a hmu ti lo mi khua an tam cang i nun sivang in a um mi an tlawm ti lo. A tulio dothlennak kan tuah mi hi a phi a chuah zau lo a si ahcun laimi hi zeidik kan lawh te hnga.

Crd…Pa Tluang

Relchap>>>>Ralhrang tuahsernak ruangah, A kenkip ah tinh mi khua set ngei loin kan zam hna le hawi dawt, chungkhat, u le nau kan i tthentthek dih hna. Mi kawmtang ah a um mi kan um.

Mah tein bawk ai Tom mi an um. Khua cheukhat ah cun ralzam inn an sak piak pah hna. Rian Kan neih ti lo ruangah Harsat nih a kan den. Zing zaan chumh awk ah kan nu le an lungre a thei. A bikin Ram ttha um mi nan dihlak le ram chung um cheukhat nih tlawmngai hlah u law kan thi bak. Kum sarih mangttam caah Joseph cu Pathian nih a rak thlah chung bang, Pathian nih an thlah hna.

Kan i lawm tuk. Pathian nih thlua in chuah chin hna seh.Kan in bochan bak hna. Mahbelte ka fian lo mi pakhat lungthiang te in hal ka duh mi a um. Ahopoh nih nan ka leh khawh. Hlamphei, Salen le Bungkhua ah a zam mi hna lawng hi kan bomh hna ti mi a um. Annih cu IDPs camp um an si. A dang khua um mi cu kan bawm loh ti a si tikah, hi khua thum ah i tthial dih uh ti thawngthanhnak le theihternak a rak um maw?

Thawngthanh zong cu ka theihlo zong va si ko sehlaw, khuadang ralzam relh lo Thantlang ralzam lawng hmanh 1800 renglo hi cu khua thum nih a kan tlum lai maw? An thing le an ram nih teh, ti le mei nih teh etc.. Hi tluk kan in bochan hna lioah cu khua thum ah nan um lo ahcun kan ti uhlaw, tthialkam nak ah kan harsa hoi lai. Hi khua thum ah a zam lo mi cu ralzam ttuh maw kan si ne lai. Van kan zohah a sang vawlei kan zohah a pit ti mi kan si ko cang. Uico pa ruangah

Note: Hi ca ka ttial lioah hin kan fa kan nau ramtang ah cangvat le fikfa lakah a um mi hna kan ruah tik hna ah ka ning a zak ko nain keimah nak harsa deuh zong an um ve caah zapi ca huap in ka ttial mi a si.
Peter Al Ceu

 

Be the first to comment

Leave a Reply

Your email address will not be published.


*