Kan I Palh Tawn Ko Rua: Nupi Ngeih In Pawcawm Lawng Hi A Za Hrim Lo, Maw Laipa Hna

Nu pakhat aman le sining hi pa tampi nih nan i fiang lo. Abik in Kawlram pa, Lai pa le India pa hi an zual khun. Nu pakhat na thit tikah a paw ka cawm khawh ko ti lawng in “nupi” thi hlah . Rawl cu anu le pa zong nih khim tein anpek khawh ko .

Myanmar sining in tuak usih …Minthang Chan Chan nih achim mi cu …an pa he an ithennak kong ah keimah lei in pekchanh hnga ding le tuah ding hi ka tuah dih ko nain adonghnak ah asi khawh ti lo tikah kan i then mi asi . Atu hnu ahcun keimah cungah man ngei tein aka chia tu ram dang miphun, pasal athen cia mi ka si athei ko nain zeipoh aka cohlang tu he kan um cang .

Hi zawn ahhin pa pakhat nih nupi dang athit ahcun asual ah chiah asi lo.Asinain nu nih adang avat ahcun asual tukah kan chiah .Hi lungthin hi atha lo tuk mi asi . Nu hi Second sex ah aruat mi cu Myanmar le India hi an zual khun .

Hi zawn ahhin pa pakhat nih nupi dang athit ahcun asual ah chiah asi lo.Asinain nu nih adang avat ahcun asual tukah kan chiah. Hi lungthin hi atha lo tuk mi asi . Nu hi Second sex ah aruat mi cu Myanmar le India hi an zual khun .

CUcaah nupi ka thit tikah tangkaa ka pek khawh cun aza tin ruah hlah ,Chim duh mi cu nu pakhat nih azaanmangaruahmi pawl atak in tlin ter dingah bawmh khawh kha asi . Cucu tuanvo lak tak cu asi . Acheu cu kan i umh cun zeihmanh na tuah lai lo ,inn ah fa le he nan um lai nan ti . Mah hi atha lo bikmi rap foih asi . Nu poh nih fa le zoh i aleng sining he pehtlaihnak vialte chah dih cu atha lo tukmi asi .

Mi zei nu poh pasal ngeih hnu zong ah mah zuam mi kha tuahnak nawl ngeih asi . Zeiruangtiahcun azuam mi te atuah khawh ahcun aman kha aphilh ti lai lo . Apasal hna nih midang aduh tak ahcun aman ngeih mi tiang philh in lungder asi . Nu pakhat na dawt tak ahcun respect na ngeih lai , atuah duhmi na tuah ter lai .Tangkaa kawl tu ka si ka chimmi poh na ngeih lai tin na ti ahcun dawt ah nu nih ruah asi lo .Sal le bawi pehtlaih ning asi . Pakhat le khat caihhmai ti le ruahti ding kha nu le va rian asi .

Cucaah midang cung zongah abik in na nupi cungah zeirel lo bantuk in chawnbia hlah . Anung na in alungthin na thah tinak asi .

 117 total views,  1 views today

This function has been disabled for Chin 11 News.