Kan I lawmtuk Ee; Mizoram Aizawl ah Myanmar ralzaam cheukhat COVID-19 raikhamsii an chunh hna

Mizoram Aizawl ah Myanmar ralzaam cheukhat COVID-19 raikhamsii an i chun ve cang; Aizawl Zungtui sang ah aa dor mi Myanmar ralzaam hna cu Mizoram Cozah nih alak tein COVID-19 raikhamsii (vaccine) an chunh hna tiah kan theih.

“COVID-19 vaccine cawk ding private sii-inn ah a um. Ralzaam cheukhat hna le ID a ngeilo mi an i chun pah. Voi 1 chunh ah Rupee 775 hrawng a si. Ralzaam tam deuh cu tangka an harsat ca ah an i chun kholo. Hi lio ah Zuangtui Sang tuanvo ngeitu hna nih Myanmar rammi nan dihlak in rak i chun ulaw, rak I test u, an kan ti. Kan i lawn taktak tiah,” tiah min langhter lo mi pakhat nih The Hakha Times ah a chim.

Hmundang ah an alak in an chun ve hna maw ti cu hngalh a si rih lo. Zuangtui Sang ah hin Myanmar rammi ralzaam 300 hrawng an um i July 30 ah khan an chunh cang hna tiah kan theih.#Hakha Times

Relchap:Ralhrang nih caan sau pi a thla in an thlaihmi Dr.Tan Min Thut cu a luat cang; Pintayah(ပင္းတယ) “မီးအိမ္ရွင္” tiah mitam pi nih theihmi Pathein sizung uktu Dr.Tan Min Htut cu nihin August 2 zinglei ah a luat cang tiah theih a si.

Pathein ah a hmuh phih piak in luatnak a hmu cang tiah Dr.Tan Min Htut chungkhar he pehtlai mi hna nih Facebook ah an langhter. Dr.Tan Min Htut cu ralhrang nih nawlngaih nak an lak hnu, Pathein ralhrang he hmunkhat ah meeting ah a kal hnu ah march 12 ah tlaih a ton hi a si.

Dr.Tan Min Htut cu zeiruang ah tlaihkhih aton nak kong theih ding ah Patheih sizung uk pahnihnak tel in sibawi te hruainak in ramkulh council cu tonnak le biahal nak an ngaih na in, phaisa kong he pehtlai in biahal ding a um caah chikhat kan auh chung i si tiah bialeh nak an rak ngeih hna.

Cu hnu ah Dr.Than Min Htut cu chungkhar nih zerh caan zong ah tonnak nawl an ngei kho lo,April thla chungah khan Dr.Than Min Htut cu CDM ah a tel caah Pathein palik bawi nih 505(a) in Pathein thonginn ah a voili nak zungah biahal nak an tuah.

A tu lio Covid third wave ah hin ngandamnak lei in minung thazang an i deih lo caah volunteer pawl he bawmh ding in an auh lio ah ralhrang nih an tlaihmi hna sibawi te cheukhat cu an thlah hna ah Dr. Tan Min Htut zong a luat hi a si. Dr.Tan Min Htut cu a tu ah Pathein si lo in hmundang ah thial a si tiah thawng pang a leng na in, cu thawng si a hman ko tiah langhternak ding ah thawngfiang a um rih lo.TCP