Kan Farnu Nih Teinak He Kan Rak Kir Than Te Lai Tiah Bia A Cah Tak

Uico ralhrang uknak duh loin ramtang ah a lut mi kanfar nu bia chim cu ngaih hna a chia i, nusaltha ciammam bia bak a si ko. Teinak he kan ral kir than lai tiah a chim. Ruahsur le nilinh tuar in ram caah nunnak thap in nusaltha ramdang an um hi zaangfak tuk an si nain an thinlung nih hibantuk tuknak hi, doh loin tthut sawhsawh i um ding cu an celh lo caah ramtang i an luhnak hi a si.

Kan farnu te a bia cu uar a um taktak si. Teinak he kan kir lai tiah raltha taktak in a chim ko. miphun le ram caah nunnak pek in ramtang ah a kal mi kan far le hi an thachiatnak si loin thazaang pek an biapi taktak. FB timeline le social media zongah an chiatnak le an tling lonak hi tial le chim loin, thazaang tu pe cio ko hna usih. Pa hmung

Relchap: Thantlang Kangh-Uh Tongmi Pakhat Hmurka; BAWIPA ah cun kai lawm thiamthiam ko.
Kan siafah zongah khual sinak cun kan mah Inn te i um cu kan i nuamh deuh cionak kan Inn. Duh ning in Pathian hi daw kho hmanh hlah u sihlaw mitthli he thla kan camnak le Pathian kan thangthat hna nak kan Inn.

Kan nu le kan pa hna hi duhning in cawmkeng in zoh khanh kho hna hlah hmanh usih law hnangam tein an i hngilhkhawh ve nak kan Inn.Kan fa nau le hi hawitluk in nuam in chia kho hna hlah hmanh usih law kan Inntual le kan Innchung cu lentecelhnak ah an i nuamhkhun nak te a si ve.

Bawipa ah cun kai lawm thiamthiam ko lai.(Habakkuk 3:17-18)Theipi kung cu par loin,Mitsur ruang zongah a thei um hmanh hlah seh, Oliv thing cu tlai loin Lo zongah tirawl zeihmanh chuak loin um hmanh seh,Kawm chung sattil run kha um loin sattil inn ah sattil kha um hmanh hna hlah seh law, Bawipa ah cun kaa lawm tthiamtthiam ko lai.

Kan rak herh lio caante ah a rak kan pek bantuk in kan herh ni caan ah khin a tlamtlinter than lai caah Bawipa min thangthat si ko seh.
Kan mah hlan in kangh Uhnak a rak tong cia hawidawt vialte hna nan rak herh lio caan ah Bawipa nih INN le LO a rak in pek hna bantuk in nanherh ni caan ah khin Bawipa nih in pe tthan ko hna seh..
#Diky

Be the first to comment

Leave a Reply

Your email address will not be published.


*