Kan Farnu Esther DCS Nih Lai Thuam Kong i A Chim Cu Ruahawk Ngai A Um!

Myanmar Idol season 4 ah pakhat nak laksawng a hmu kho tu Chin miphun kan arfi dawh a si mi Esther DCS hi cu uar a um tuk hringhran. A mui nih le dawh bak, a lungthin zong a tha, a aw zai nih Chin mi an kan cawnsan mi hi uar lo awk a that lo nak a si.

Tuzing ah khan Esther DCS nih a Page ah ca pakhat a rak tial mi cu

“Chin miphun kan thuamthil hi cu kan miphun hna limhang le rumra a ngeih ter tu a si bantuk in tlangcung mi hna kan limhang a ngan ter tu zong a si caah Chin nu nih Chin thuamthil dawh I hruk in Saya Main Chit Thu nih hla a ka tial piak mi “Yin-Hte-Kah-Bae-Thu Sih-Lea” ti mi hna cu MRTV ah zukcawl hmuhsak ding in ka kal cang.

Zei bantuk hla phun dah a si hnga ti mi nan hngalh khawh nak hnga ding ah cun lungsau tein nan rak hngah rih lai nak kan nawl ko hna” tiah Chin Arfi ceu dawh Esther DCS nih cun a rak tial hi a si. Chin mi kan thuamthil hi kan miphun limhang  a ngeih tertu le a dawhter tu a si khawh nak hnga ding ah cun a hmang tu hna nih zeibantuk dirhmun in dah kan I hruk-aih ti hi a biapi ngai mi zong a si.

Hi tluk in zoh a dawh mi kan Lai thuam dawh hi cheukhat nih phanat hna ah an ser, mask hna ah an ser hi a tha ko tiah nang teh na ruat ve ko maw? Miphun pakhat nih a ngeih mi miphun thuamthil te hna hi lamh chih ding le cil chak men ding ah cun a pam tuk na ti ve lo ?

Source: ESTHER DCS’S PAGE 

 121 total views,  1 views today

This function has been disabled for Chin 11 News.