Kan Chinram Khuapi Hakha Zung Vialte Ralhrang Nih An Thial Dih Cang Lai

Chin Ramkulh Khualipi Zung Vialte Cu Tthial Timh Asi!
Chn ram kulh nawlhngeihnak a ngeitu hna nih cun,Chin ramkulh Hakha khua chung zung vialte paohpaoh cu,Tedim peng Khaikam khua ah a si lo le Kalay ah tthial dingin ,Min Aung Hlaing sin ah halnak an tuah tiah theih a si.

Hibantuk i an halnak a kong an chim ning cu tihin a si.”Chin ramkulh Hakha khua i zung cu Min Aung Hlaing a dohtu hna nih heh tiah meithal an puah i ralkap an kah hna,zung zeimawzat cu CDF hna nih an hrawh,Sianginn zong kan ong ngam lo,Zung zong kan ka ngam lo,cu caah Khaikam a si lo hmanh ah Kalay ah kan tthial piak uh tiah,Min Aung Hlaiing sinaih nawlnak /halnak an tuahnak cu a si,a ti.

Mah bantuk in thil a can hi,Pu Ngun San Aung a rian i an dinhter hnu,Dr.Vung Suian Thang,Ngun San Aung zaka ca i an khinh hnu ah ,Hakha khualipi cu hmun dang i tthial a duh peng mi pa nih a tu thlakhat a ttuan chung te ah a thinlung um peng mi cu a a tu a langhter cawlh hi a si.CRD TinduhnThang

Relchap>>>>Mercy Ngun Tha Chin An Tlaih Nak Ruang Theih A Si Cang

Kawl ralhrang nih hakha ah Mai Mercy Ngun Tha Chin an tlaihnak kong cu tuzing ah khan anmah ralhrang thawngthanh nak Fifty Two News ah an langhter i Chindwin News Agency zong nih thawngthanh nak an tuah ve mi chungin thawngpang theih asi.

Kawl ralhrang nih thawngthanh nak an tuah ning ah cun “zahan zinglei suimilam 9 hrawng ah khan Hakha khuapi chung Pyidawtha sang ah a ummi Mercy Ngun Tha Chin cu Kawl ralhrang nih kan tlaih cang tiah an langhter.

Mercy Ngun Tha Chin cu social media le Facebook messenger hmangin Kawl ralhrang thatlo nak kong thawngpang a phozar lengtu asi. Cun Chin ramkulh hriamtlai hna zong biatak tein a dirpi tu le thazaang a petu asi tiah dalaan nih fiang tein an kan chimhmi ruangah Mercy Ngun Tha Chin cu kan tlaih khawh.

Mercy Ngun Tha Chin hi zahan zinglei ah khan Cengkerh Collection, Chin Cultural Store timi dawr i a kal lio ah kawl ralhrang nih kan tlaih hi asi” tiah Fifty Two News nih cun an langhter hi asi.

Nihin tiang Hakha khuachung ah dalaan an um pengmi hi cu lung afak tuk hringhran, Chin miphun an kan that lengmangtu kawl ralhrang thazaang ape rihmi le a dirkamh rihmi hi cu Chinram chung hmanh in chuah ding an si ko cang. Anmah dalaan ruangah sualnak ngeilo mipi kan temtuar tuk hringhran ko cang e. (Credit: Lai Holh Thawngzamh)

Kum 02022 Ah Ngeih Dingmi Lungput Kong Rak Rel Ve: Na mit ain na hmuh ii na ton lomcu na Kaa in va chim hlah. Aruang cu bia felfai lo a si kho. Na theihmi bia kha a hman bakmi a si tiah nangmah nih na hmuhton mi lawng kha chim. Na theih lomi bia cu ka thei lo ti kha tih hlah. Ka thei loh ti ko! A thei bantuk in naa umter a si ahcun nangmah lehlam na thil a rit menmen. Mi nih lung in an in cheh ahcun va u ve duh hna hlah. An in chehnak lung tu kha na dirhmun a feh nakding lungphun ah cangter.

Minung hi kan tthancho, kan lar bakin dohdaltu kan ngei khun tawn. Dodal mi si an duh lo a si ahcun lar le minthan kha ii tim duh hlah. Buainak na ton a si ahcun ii chia rih. Bia na chimmi kha ii dinh ta law buainak cu amah tein an tian dih ko lai. Na sinak kha nangmah tein cawisan ii zuam law minih cawisan le thangthat lawng kha va bawh hlah. Khua a ruat kho lomi minung pawl he buainak na tuah hlah. Annih cu anmah le an caantawk, an sining he aakhat bang in anmah lawng va buai ko hna seh.

Mi nih theih an duh lem lomi biathli kha a chim phuangtu va si hlah. Biahman a si hmanhah, chim dih ding tinak a si lo. Thingthei cu a hmin hnu lawngah lawh ii ei a si bantuk in khuaruahnak zong hi tlamtling te le zei a si ti kha fiang tein a chuak hnu lawngah langhter ding a si. Nangmah le nangmah ka palh ii ti lengmang. Zeicahtiah ka palh ti kan ii theih hi “mi hman, miding” kan s ihram aa thoknak a si. Na thinlung chungah mi huatmi tamtuk ii chiah hlah. Cu nak cha cun kha lio caan ahkhan vawleicung ah keimah lawng hi ka um, tiah ruat law mi zeihmanh huat ding an ngei hna lai lo. Nangmah le nangmah naa huat a si le na palh tinak a si.

Be the first to comment

Leave a Reply

Your email address will not be published.


*