Kan Ba Tuk Cang Ti Awk Kan Tha Rih Lo

Kan Ba Tuk Cang Ti Awk Kan Tha Rih Lo ”
Dothlen nak lamtluan ah kan ba ngai men cang ko lai ,
Asinain a chim ngam ding kan si lo,

Kan ba tuk cang na ti liao ah nun nak pe tu
Kan pasal tha,kan nusal tha hna kha van ruat hna,
An thi sen man phu kan hlan dih hlan ,
Tei nak thantaar kan tar hlan,
Kanram nih luat nak a hmuh hlan,
Zalong tein kan um hlan lo cu
Kan ba tuk cang ti ngam ding kan si loh ,

Lungdong lo in
Lungrual nak he
Raltha in
Hmai ah a kal chin ding kan si ,
Ni nikhat ah cun
Kantuan man, kan thisen man cu
Kan hmuh te hrim lai ,
Alak a si hrim lai lo,
Lungrual nak he hi dotthlen nak hi kan ter hrim lai.Crd.. Ngun Boer Chin

Relchap<<>>>>>AA nih a kan nor cuahmah cang…
Mipi thazaang chuah chin kan hau ko hih.
CNA, CDF, CNDF nih a phak khawh naktiang a nam cuahmah ve.
Ramchung nih nunnak kan pek kan ngamh bantuk in ramleeng nih chawva in thazaang nan chuah tualmal ve a hau ko hih.
Atu nakin fak deuh in chawva thazaang nan chuah chin a hau ve.
Kan ram ah miphun dang bawiter hi cu a si kho lai lo.

 

Note/ Chin miphun cu ral pakhat lawng kan do lo ti philh hna hlah usih (a fiang ko lai dah)
Ramchung nih pakhat te kan ngeih mi nunnak dah ti lo zeihmanh pek khawhmi kan ngei lo.
Kan nunnak him seh ti nan duh cun ramchung he ram leeng he nan thazaang nan kan chuah pi peng a hau…
Nan thazaang nan chuah ciami cung zong ah kan i lawmg hringhran ko ee. Crd.. Salai Tluangte

 

Relchap>>>>>Nihin October 1 ah Hakha thar Nahau tlang ummi Pu Biak Cung cu bomb aa lamhsual caah a ke ah hliamhma a pu, tiah theih a si.
“Nihin zanlei slm 4:00 hrawng ah Hakha thar Nahau tlang ummi Pu Biak Cung cu Fanghawk a kawlnak ah SAC ralkap nih an hmanhmi bomb aa lamh sual caah a ke ah hliamhma a pu,” tiah tualchung mi pakhat nih a chim.

Fanghawk a kawl lioah an inn pawng(Van Ṭhio khuachuahnak pawng) ah SAC ralkap nih an hmanhmi bomb aa lamh sual hi a si. A fengbeo cung deuh in tan a hau lai. Pu Biak Cung cu miding fel ngai a si pinah chungkhar nih an bochan tuk mi a si, tiah theih a si.
Min langhter a duh lomi pakhat nih, “SAC ralkap nih Hakha kiangkap ah bomb an hmanh dih. A bik in Hakha thar le cawbuk lei kam hi ralrin taktak a hau,” tiah a chim.Crd.. The Chin Post

Relchap>>>>Myinchian peng Myauhkyun um SAC caankarlak hmun an khuar nak sakhan Mizapi ralkap hna nih an lak

Nihin Octoctober -1 zing khuangter ah Mandalay ramthen ,Myinchian peng Nitlak chaklei um Myauhkyun khua i SAC ralkap nih cankar lak chung umhmun an khuar nak sakhan cu PDF Tatpawngsuh phu(9) nih an luhhnawhhna i kahdohnak minute -45 hrawng an ngeihhna hnu ah ralbawi pakhat rel chih in ralhrang (6) an thi i a tangmi SSC ralkap hna cu hliamhma putbu in an zamdih caah sakhan cu mizapi ralkap hna nih an lak tiah theih a si.
A thimi ralbawi hi tat- mah (88) chung tel a si i hithil a si hnu in SAC hna nih khuami (5) an tlaih hna i checkhlat nak an tuah,khuachung luhchuahnak zong an phihkhar tiah theih chih a si.

Cuhnu ah A-Neih Khua lei in ralhrang thazaang an rawn ichap caah Mizapi ralkap hna cu hnu an tolhthan i cuti an kirthan pah ah SAC ralbawi a thimi pa i kum(3) hrawng a si mi a fa le a Nupi cu an hmuhhna na in zawnruah nak ngeih in an nunnak an zuahhna tiah theih a si.

Hi kahdohnak hi MGN-RANGER (Myinchian peng tat- yin -2) ၊ People Defense Force- Taloke (Myinchian peng tat-yin -2 ) ၊ MDY-PDF (Mandalay peng tat- yin -3 )၊ Phoenix Special Comando tat ၊ Awtaw Unau PDF ၊ YSO -ISA ၊ Mobile People Defense MDF ၊ Black Wolf People Defense Force ( Mandalay peng B-3၊ tatkhuai-3 )၊ CDSOM thlanglei(Bawi Keite phu) hna nih i bawm in an tuah mi a si tiah theih a si.

Be the first to comment

Leave a Reply

Your email address will not be published.


*