Kalewah Kahdohnak Ralhrang Le Mipi Ralkap Kaphnih In Mithi A Um

Kalewa Kahdohnak Ah Kaphnih In A Thimi An Um!
=====
Sagaing ramtthen Kalewa peng ah SAC ralhrang le PDF karlak kahdohnak a chuak i ralhrang 3 an thi PDF nu pakhat nunnak a liam tiah theih a si.

January 7, nihin chun ah SAC ralhrang nih Kalewa peng Ongpinsu (အုန်းပင်စု) khua ah mipi inn 5 mei an duahpiak hna hnu in Kalewa PDF he an i kap i ralhrang 3 an thi PDF palik in nu pakhat nih ram le miphun caah nunnak a pek tiah theih a si.
#Source:Khit Thit Media

Relchap>>>>Dalan Pakhat Le Pyusawhti Hruaitu Thah An Tong, Ruaklak Kalmi Ralhrang Zong An Kah Hna!
=====
Mandalay ramtthen Kyaukse khuapi ah SAC ralhrang bochan in thilfir hmangmi le ralhrang thawngpetu ‘Dalan’ Kyaw Myint cu January 7 zing suimilam 8:00 tluk ah tualchung hriamtlai nih a innchung lunhhnawh in an thah tiah tualchung hriamtlai nih thawngthanhnak an tuah.

Bago ramtthen Kyauktaga (ကျောက်တံခါး) peng ah ralhrang pyusawhti hruaitu Min Aung cu January 7 zing suimilam 7:30 tluk ah tualchung hriamtlai phu nih an kahthah tiah theih a si.

Pyusawhti hruaitu Min Aung ruaklak ah a kalmi ralhrang palikpawl cu tualchung hriamtlai hna nih Bomb hmanh mi in an puahhnawh hna i an bawi pakhat a kutkhat bul, palik pakhat a kutzung an bul, pakhat zong a lu ah hma a pu i an nunnak caah thinphang an si tiah tualchung hriamtlai nih thawngthanhnak an tuah.
#Source:Khit Thit Media
#Lungmili Post

Be the first to comment

Leave a Reply

Your email address will not be published.


*