Kalaymyoh Khuapi Chung Thilcang Hi Zoh Ve Tuah, Platform Pawng Teah A Um Ko, Zaangfak Ngai Zong A Si Ve

Sagaing ramthen, Kalaymyoh khuapi chung i Pyin-Lung sang/veng, Bochuk Road laifang i platform pawng teah pa pakhat cu zuuri ngai le zuu palang he nizan August 26 in tuchun August 27 tiang ah a rak um peng ko kha a hmutu hna nih an chim.

Hi pa kong he pehtlai in Kalay myohmah palek sakhan sinah thawngthanh nak an tuah tikah palek bawi pakhat nih a chim mi cu “mah mipa kha cu mihrut a si! zeiti hmanh in tuah awk a tha lo mi a si. Palek thuam he kan kal i kan cawnpiak le kan chawnhbiak ah cun zuu palang in an kan tuk, vuak an kan timh, a chungkhat le a unau pawl thawngthanh le chimh hna an hau” tiah palek bawi pakhat nih cun a chim hi a si.

“Mihrut a si. Zuu nih a hruhter cang mi a si. Motorcycle chung ah kunya le tangka kan chiah mi zong toolbox a boh i a lak lengmang, zeiti hmanh in kan tuah kho bak ve lo. Mawtaw chung ah tangka bawm a hmuh zong ah mawtaw thlalang a khuai le a lak ko” tiah Kalay ah a um mi pakhat nih a chim ve hi a si.

Hi pa hi kum 30 hrawng minung a si i tuzing August 27, zinglei suimilam 10 tiang ah khan Pyin-Lung sang/veng i Buchuk Road lampawng platform pawng teah cun a thu i zuu a ding lengmang rih ko nain a hohmanh nih chawnhbiak le zohkhanh tu ngei lion an kaltak lengmang rih ko.

Source: Top Phoenix Media Group; D Nae Khit Media

 114 total views,  1 views today

This function has been disabled for Chin 11 News.