Kalaymyo Peng Hngakchia Kum 8 A Tlaunak Hi Thlahnih A Si Cang, Nu Le Pa An Lungdong Rih Lo

Kalaymyo peng Zinkalin khua i hngakchia kum 8 pate a tlau mi cu thla 2 nak a si cang nain nihin tiang an hmu kho rih. Asinain nihin tiang ah hringtu a nu le pa cu nih cun lungdong lo tein an kawl cuahmah peng rih ko i Kalaymyo mipi le Kawlram chung mipi vialte sinah a tlau mi kum 8 pate hmanthlak cu an kuat cio hna i an hmuh ah cun thawngthanh nak tuah cio ding ah Kawlram chung dihlak ah bawmhnak an hal cang.

Zinkalin khua i kum 8 hngakchia Mg Phyo Min Khan hi August 8, zanlei suimilam 4 hrawng ah khan zichaung veng/sang Maything phar pawng ah lente ai celh nakin a tlau mi a si i cu hnu thok cun nihin tiang hmuh than ti lo in a tlau thai mi hi a si. Cu hnu ah Social Media kip le palek mipi sin kipah thawngthanh nak tuah a si i an kawl ve lengmang ko nain nihin October 11 tiang ah cun hmuh a si rih lo caah chungkhar nu le pa cu ngaihchia ngai in an um ko cang.

Nihin tiang ah zeihmanh a konglam le thawngpang theih ding a um ti lo tikah Kalay Khazai zungah bawmhhal nak le thawngthanh nak an tuah than hnuah a tlau mi kum 8 pate hi mipi sinah thawngthanh nak an tuah than nak zong hi a si. Hringtu nu le pa an lungre theih le an ngaihchiat a zual hma ko cang, nihin tiang ah cun lungdong lo tein an kawl cuahmah ve rih ko.

Cucaah mipi hna zong hi nan umnak cio in nan kan ngiat piak cio nak lai hringtu nu le pa nih nawlpat nak an rak tuah hi a si. a hmu mi nih PH.09428419350 le 09258154023 ah pehtlaih cdio ding in nawlpat le bawmhhal a si.

(Kalay District Office )