Kalaymyo chung le kiangkap ah CDM a lut hmasa bikmi Hla Myo Htunt cu Minkin lei kahdohnak ah a nunnak a liam ve cang. Hlah Myo htunt hi ralkap nih uknak a lak bak in CDM a tuah i Mizoram ah a zaam cilh i, cu hnu ah um sawhsawh a rem lo a ti caah June thla khan a kir than i kalaymyo PDF ah a lut ve i hriam a tlai mi a si.
Kalaymyo pawng Minkin khua cu SAC ralkap le PDF pawl an i kahnak in inn tiangin an khangh piak hna i a celh ve lo caah kahdohnak ah a tel ve i cu ka ahcun a nunnak a liam hi a si. Amah rian a ral tuannak hi Monywa ah palek rian a tuan i kalay ah a thial mi a si. Amah hi mipi caah a ttang zungzal mi a si pin ah tthat lonak a do tu a si i mipi caah ral a tuk hi a si. kalay News
Relchap:Falam Peng khua 3 nih zaan cacawnnak an hon
Falam peng Zawlnu, Thungthul, le Sumhrang khua nih zaan sianginn,ngakchia pawl cacawnnak an ngei tiah theih a si. Zawlnu khua hi thlakhat leng an cawnfcang i an khua i CDM siangcachim pawl nih an cawnpiak hna
Thungthul khua cu an cawnnak zarhkhat hrawng a si cang i ramdang ummi Thungthul fanau hna nih chawva an thawh. Cun Sumhrang khua hi nizaan September 14 zaan in an thok i cozah sianginn hon hlan chung kan cawng lai tiah an ti.
Sumhrang Baptist Church i “Pastor Sui Uk Thang nib “kan i timhtuahnak cu a rau ngai cang nan,biakinn sak tibantuk he kan thawk kho lo,kan Khrihfabu in kan tawlrel nan,a kai tu cu khuachung ngakchia zate an si,tang 2 in tang 10 tiang an si i an zaten minung 50 hrawng an si,kan cawnmi cu English, Myanma, Myths, Lai ca, Reading times le ngakchia caah zukthai tibantuk a si “tiah a chim.
An ca cawn caan hi ngakchia bik hi suimilam 1 hrawng,a lai i suimilam 1:30,upa bik hi suimilam 2 an cawng,cawnpiak tu hi khuachung in tang 10 lim le tang 10 kai cang 8 pumpek in an cawnpiak hna.#Zalen
Leave a Reply