Tuzing september 12 suimilam 11 thok in kalaymyo khuapi cung le a kiangkap hrawnghrang ah SAC ralhrang vanlawng a chawk leng mang i khuami nih an tih ngai tiah theih a si. Naihrawng ah kalay khuapawng le kiangkap ah kahnak a chuak peng Gangaw le Kalay kar ah bomb a puak lengmang fawn i ralkap nih PDF le CDF pawl hi kah dingin an kawl hna i a si ko lai tiah khuami pakhat nih a chim.
Relchap: Myaung kadohnak ah SAC ralkap 2 le Dalaan 2 an thi, khuami minung 7 an thah hna
Myaung Peng, Kyaukyit khua le Kupin khua September 10 lio kahdohnak ah SAC ralkap lei in minung 2 le lam hmuhsaktu Dalaan minung 2 an thi i khuami minung 7 ralkap nih an thah hna tiah Myaung Peng PDF nih an thanh.
I kahdohnak hi suimilaam 2 tluk a rau i PDF lei in minung pakhat thinphang a si lo mi hliam a tuar. SAC sin ah thawngpetu le Dalaan pakhat cu anmah SAC lei nih an palh hna i an kah hna tiah an langhter.
SAC ralkap pawl nih PDF pawl bawmh kan duh hna tiin an uniform hruk loin an um i khuami an hlen hna hlei ah minung 5 an tlaih hna tiah an langhter.THT
Leave a Reply