Kalaymyo COVID-19 Zawtnak Hrik A Ngei Mi Minung 3 An Dam Siizung In An Chuak Cang

Tihnung pulrai zawtnak rungrul nih a tlak ve ko hna tiah ruah mi hna chung in damnak tlamtling an hmuh than hi cu lunglawmh nak a sang tuk hringhran. Atang mi minung pahnih hna zong nih damnak tlamtling an hmuh khawh ve nak hnga thlacam nak in bawm hna usih.

Kalay myo COVID-19 Zawtnak hrik a ngei mi Case 115 kum 19, Case 116 kum 117, le Case 117 kum 10 nu minung 3 cu voi 2 tiang an check hnanak ah Negative an si. May 15 zingka ah Sii-inn in an chuak cang.

Sii-zung in an chauh hnu ah ni 14 chung inn ah quarantine in an um rih lai tiah kan theih. Kalay myo ah COVID-19 Zawtnak hrik a ngei mi minung 2 an tang rih. Hi hna 2 zong voikhat an cheknak hna ah Negative an si. A voi 2nak Phichuak(Result) hngah an si.

Kalaymyo khuapi COVID-19 runvennak caah innleng chuak lo ding in Cozah nih nawl a rak chauh nain May 15 in innleng chuah khawh a si canng tiah Cozah nih thawngthanhnak a tuah.

Atu bantuk nawl a chuahnak cu COVID-19 zawtnak hrik a ngei mi hna an dam hnu le zawtnak hrik a karh ti lo hnu in nawl an chuah mi a si. Asinain mibu tonak le puai tibantuk cu tuah a si rih lai lo tiah theih a si.

Minung kan herh mi dinei dawr, Bazar tibantuk cu Hon khawh a si cang ko tiah kan theih.

Ref: Democratic Voice of Chin-DVC

 97 total views,  1 views today

This function has been disabled for Chin 11 News.