Kalaymyo Ah Pitar Pakhat An Tleihhrem i A zaan Ah A Nunak A Liam Colh

July 19 zanlei suimilam 6:00 pm hrawng ah a fanu cu takkholh nak khan chung ah a kholh , cu a kholh cuahmah lio ah cun a nu auaw a theih i, kholhnak khan chung cun a chuak i a nu au nak lei ah cun a va tli colh i, a hmuh mi cu a nu pawcung ah a rak bawk mi a hmuh. a au i a nu tleihhrem tu pa Zaw Min Tun kum 45 pa cu an tlaih.

A tleihhtem tu pa cu Magway Division khua i a chuak mi a si tiah an chim. cu piter cu kum 89 a si cang i hliam hma fak ngai a tuar chih caah Kalaymyo siizung ah an tlikpi colh i cu ti cun chanh manh lo in a zan ah cun a nunak cu a liam beh.

Zaw Min Tun cu a kong lam fel te i an ceih hnuah August 19, 2020 ah kalay District biaceih zung nih thi dingin a cungah bia an khiah piak. Asinain Zaw Min Tun thih dan an pek mi cu phundang deuh in Nay Pyi taw le rampi president sinah a nem deuh ning in hal khawh a si lai tiah an chim.

 56 total views,  1 views today

This function has been disabled for Chin 11 News.