Kalay Ralkap Pawl Cu An Chungkhar Pawl Hi I Thlahnak An Tuah Tiah Theih A Si.

Atu bak kan theihmi thawngpang a si. Kalay ah ralkap mawtaw 11 hrawng a phan ti a si, cu lawng si lo atu hi ralkap pawl cu an nupi le an chung le he i thlahnak an tuah tiah thawngpang pakhat a chuak than. Tuan ah Kalay mino le mipi hi an ci ka hmih lai tiah ralkap lei nih an chim timi bia kan theih cang khah.

Hi thil hi a dikmi a si ahcun tutan hi an hram thawk a si lai tinak a si. Ralkap nih an chungle an nupi le an fale he i thlahnak an tuah ahcun raltuk ah an kal lai lawngah hi bantuk thil hi an tuah tawnmi a si. Kalay lei ralkap nih hin tlangcung hriamtlai an va kal hnawh hna i an tuk hna lai ti hi cu ruah nak ah a um lem lo cu caah an i timhlamh ning zoh tikah mipi kah tu a si te lai ti phan a um taktak.

Tuni March 6, 2021 zing lei suimilam 10 hrawngah khan Kalay i a ummi ralkap pawl cu a phu phu in an um, an chungle he i thlahnak zong an tuah, raltuk dingin timhlamhnak an ngei i a si men lai tiah Kalay khuasa pakhat nih a chim. Hi thil hi asi tak tak ahcun Kalay mino le mipi caah thinphang taktak a si. Ralrin tak tak an herh. Mah thawngpang hi tuzing ah Kalay lei khuasa pakhat nih a chim kan van langhter chom mi a si.