Kalay Myoh Ah Lairawn Thawngzamh Zung A Kang, Zung Thilri A Kangh Dih

Kalay myoh khuachung I Myoh Hlah sang/veng ah a um mi Lairawn Post thawngzamh zung cu tuchun zanlei suimilam 3 hnu deuh ah khan mei nih a kangh dih hilhial tiah theih a si.

Falam holh in zarhkhat ah voithum lengmang thawngzamh an chuah nak hmun Lairawn Post cu tulio pulrai zawtnak a si mi Covid-19 ruang ah April thla khan zung an rak khar ve cang I thawngzamh an chuah ti lo.

Zeiruang ahdah hi mei kangh nak hi a thok ning a si hnga ti mi kong ah thawngfiang teih khawh a si rih lo nain Sola Battery an tun mi ruang ah asi lai tiah zong an ruah pah.

Cu mei kangh nak ruang ah cun Xerox  tuah nak seh pakhat, Riso pakhat, Computer pahih, le thawngzamh chuah nak an hman mi paper vialte a kangh dih hilhial hna tiah Zalen thawngzamh nih an tial.

Zeitindah meikangh nak ai thok ning a si le zeiruang bik ahdah a si hnga ti mi thawng fiang theih khawh nak ding ah Lairawn Post Editor zong pehtlaih kan I zuam ko nain kan pehtlai kho rih lo. Lairawn Post hi 2017 kum ah khan an rak dirh cang mi a si I Chin Media Network chungtel zong a si ve.

Source: Khonumthung Burmese

 130 total views,  2 views today

This function has been disabled for Chin 11 News.