Kalay mipi caah lungre a thei ko! Kawl Ralkap Nih An Sualnak an chuah hoi!

Kalaymyo-Tahan mipi hna nih Lai meithal le mah tein i tuah chommi meithal pawl cu palik sakhan ah pek/up dih dingin ralkap lei nih nizaan ah thanhnak/theihternak an ngei. Ralkap-Palik lei nih inn kip ah lut in an kawl lai i an hmuh asi ahcun hremnak faak pek asi lai timi zong Kalaymyo-Tahan khua chungah vaak in tlang an au.

Crd- The Hakha Post.

Relchap: Ralkap Nih Sualnak An Tuah Lo Mi Hi A Um Ti Lai Lo Dah!! (Ralkap Mifir)

Kalaymyo Ah Hramhram Uk Nak La Tu Ralkap Nih Ting 90 Leng Man Thilri Cu An Chuh/ Lak Piak Hna!

Ralkap nih April ni 7 ah khan Tahan mipi veng tu um nak an doh ah khan phaisa ting (93) ,cycle pahnih le zeidang thilri pawl zong hramhram in an chuh hna. Hmunlai Kyut Tung Pin veng ah a um mi ā€œlamkiang ah facang zuar nak dawr ah ting (70) an lak, Dawr ngeitu nupa hna zong hri in an tem hna .

Midang inn ah ralkap pawl an luh kar ah tikholh nak khan ah kaa thup.Ralkap pawl an chuak cang ko lam an phan cang lai tiah ka ruah ii inn ka ka on an theih ii hlei ka ah a rak ii thup mi ralkap cu inn chung ah an lut ii phaisa ting 2 le bank cauk an lak nan bank cauk cu an ka pek than tiah a chim.

Taungphila veng zong ah inn ka an bauh ,tawh an hrawh Piak mi inn zong an um. Kyuttungpin veng ah um mi chung khar pakhat zong zaan 10pm -11pm kar lak ah ralkap nih an inn ah luh hnawh in thilri an kawl suhbu fa mi chung ah phaisa ting 2 leng le suhbu a ngan mi chung ah phaisa ting 12 a dih lak ting 15 leng an lak . Ka fa nu zong lungrethei tuk in a um ii dawrkai nak phaisa fangkhat hmanh kan ngei ti lo tiah a chim.Cun kan inn pa hna phaisa zong ting 6 an lak tiah a chim chih.

Sanmyo veng Hemantit kuanya dawr chung zong ah an lut 125 cycle pakhat ,Ray cycle pakhat le One tea cawhnuk buu 12, kunpawng kat 3, Rubby kat 1, Khaini kat 1, phone pakhat a tun nak he phaisa 200 ca a nek pawl thing hra reng lo le mei ti pahnih an phoih ii an ii kal pi tiah thawng theih asi.

Crd- Chin Post.