Kalay Le Gangaw Karlak Motor 100 Leng Thinphang In An Taang Ko

Kalay le Gangaw karlak lampi ah a hohmanh chuakvak lo ding le Motor hrimhrim kal lo ding tiah theihternak an tuah i an tuah hnu ah motor pakhat a ra i bomb nih a puah hnawh cang. A tu hi Express moawotr ngan pi pakhat le motor dang 100 leng cu Gangaw le Kalaymyo karlak ah an tang i an kal ngam lo tiah theih a si.

Mah hna pawl hi pawngkam khua cio nih tirawl an chanh hna i lampi ah an tang dih hna. Kalay PDF nih tuzing in Emergency in cathanh an chuah i an chuah tlawmpal ah motor pakhat a ra mi bomb nih a puah hnawh caah motor dang vialte pakhat hmanh a chuak mi a um ti lo tiah rawl a chan tu hna khuami pakhat nih kalay mno sinah a chim.

Relchap: Chinram kulh Tidim khuapi ah palek nih motor cycle a cit mi an kah tiah theih a si. Mah an kah hi zahan sept ni 11 Zaan sml 9:45 hrawngah a si mah an kah mi hna hi Gawngmual khuami an si i minung pakhat a thi i, 2 nih hliam an tuar tiah an chim.

khuami pakhat nih motocycle a cit mi hi Sagawlam sang lei in myo-mah sang palek sakhaan hmailei bochoh lam a rak ra i palek pawl nih i din tiah an auh i, a lautk caah a motor cycle cu a chiahtak i a zaam, a zaam lio ah an kah i a hmun ah a thi colh a dang pahnih cu an thi lo hliam an tuar tiah theih a si.

Tutan ah an kah mi hna hi kumtling lomi an si i pakhat hi kum 15 hrawng a si, pakhat hi nu a si tiah an chim. Thilak in an kah mi hi palek nih siizungah chek ding in a ruak an chiah tiah theih a si. zaan zongah meithal thawng hi 15-20 hrawng a puak tiah an theih rih. hi thawngpang kan theih hnu in caan rau lo te ah meithal a puah pah lengmang tiah khuami pkhat nih a chim.Zalen

Be the first to comment

Leave a Reply

Your email address will not be published.


*