Sagiang ramkulh, Kalay peng PintawOo khua le Minhla khua kar ah tuni April 13 zinglei sml 11 hrawng ah mipi hriamtlai kar le SAC Ralkap kar kahdohnak a chuak tiah theih a si.
SAC Ralkap pawl cu Nansawngpoh khua lei in ni thlak lei NuangKung khua pawng ah an phan ii kahdohnak a chuak tiah theih a si.
Mipi hriam tlai lei nawl ngeih tu pakhat nih ” SAC Ralkap pawl cu rallam an sial mi a lo lo. An chuak an tlau ti ban tuk in an um leng mang ruang ah kan kah hna. Kahdohnak a chuak zong si lo. Cu ruang ah pawng kam khuami pawl thin phan hlah uh “tiah a chim.
Kahdohnak thawng ruang ah Pintawoo, Naungkung, Minhlat le AungYwa khuami pawl an zaam dih tiah theih asi.
March 30 in April 5 tiang Kalay peng Latpanchuang, PintawOo khua pawng kahdohnak a chuak ruang ah khua 17 in khuami 50000 hrawng an zaam. April 6 in 12 tiang kahdohnak um lo ii khuami tlawmpal an inn ah an kir nan in a tuban tuk in meithal thawng an theih ruang ah an zaam than tiah theih a si.(Crd. Zalen )
Relchap>>>>>Maw kan Khuazing le kan Pathian,
Na sin ah thla kan rak cam.
Goliat bantuk in a ngan tuk mi le a tthawng tuk mi an thir phaw he ara mi. An van ralkap le an miakpi nih an kilh mi.A chahtuk mi an thir phaw le an hriamnam tthabik hna he khan.Tei khawh lo ding ah an rak iruat.
Maw kan Khuazing le kan Pathian,
Kan thlacam nak nakan leh I, na lianh ngan nak langhter ding ah Pasal ttha le paral ttha tampi nakan pek. Cakei bantuk raltthatnak le tthawnnak, vakok bantuk zumhtlak sinak le miphun dawtnak in kan pasal ttha hna cu na thuamh hna.
Maw kan Khuazing le Kan Pathian,
Kan khua, kan ram, kan fing le kan tlang hna cu, a tthabik mi ral hruang ah na rak kan serpiak timi kha, kan hmuh hngan hrimhrim ah a thar in nakan hmuhsak. Van in an thlak mi bom hna le lei in an kah mi miakpi vialte hna nih zeihmanh harnak a kan pek khawh lo ding in na rak remh cia dih.
Maw kan Khuazing le kan Pathian,
Nasin ah lawmh nak bia kan chim.
Teinak cu nangmah ta asi.
Teinak tlamtling rak kan pe ko sawh.Crd.. Salai Bawi Lian Mang
Leave a Reply