Kalay-Kabaw Kan Ta Si Kan Ti Bantuk In Pei Rakhan Nih Cun Paletwa Kan Ta Si An Ti Ve Cu

Kawl ralkap he AA he kan ral an si ko. Nain AA hi short-term caah doh herh mi a si. Kawl ralkap tu cu long term caah doh herh ve mi an si. An pahnih in voi khat ah doh a ngah lo. Aung San hmanh nih Japan le Mirang cu a do kemh hna lo. AA kong chim ah Kawl ralkap kong ah a tlami le Kawl ralkap kong chim ah AA kong ah a tlami nan um. AA nih Kawl a doh ruangah kan hawi an si lo i kan ral zong an si lo.

Paletwa an kan chuh cuahmah mi ruang lawng ah kan ral an si. An kaa tlek in an chim lengmang cang ko mi cu maw cathanh in hun chuah rih hna seh nan ti. Mihrut rian a si. Laimi uarci lawng a si. Paletwa in AA an chuak te ko lai a ti mi pawl kha zei hmanh nan hngalh lo nak a thuk tuk caah a si.

Short-Term rian a si mi AA chuahnak hi tuah ta loin Long term rian a simi Kawl ralkap kong lawng i kan buai ahcun Short term rian kan tlolh lai caah kan sung ti nak a si lai. Zapi nih cun Paletwa kong nan pemh lo hi teh. Laimi lawng te um nak peng ah pei nan rel i, AA cu an chuak nolh te ko lai nan ti hi. Paletwa Khuapi bak ah khin Laimi nak in Rakhan an tam deuh i Khuate zong ah India Ramri tiang in Rakhan khua an tam pi.

Kalaymyo le Kankaw peng i Laimi kan tam bantuk bak khi a si ve cu teh. Laimi zong Č›hawng u sih law Kalaymyo le Kankaw hrawng lak cu kan lak duh tuk ve ko lai si. Cucaah MNF pawl Laitlang lei an i dor le CNF pawl Mizoram lei an i thuh bantuk sawh kha a si ti lo. Kalay-Kabaw kan ta si kan ti lengmang bantuk in pei Rakhan upa le ngakchia tiang nih Paletwa cu kan ta si an ti zungzalmi ve mi si cu…..nan Lai thluak nih a phanh lo hmanh ah ka Prophet thluak hi zum ko u law.

Catialtu: Siang Bawi

 173 total views,  1 views today

This function has been disabled for Chin 11 News.