Kalay In Chinram Taingen Khua Ah Ralhrang Rual Minung Tam Taktak Motor 10 In An Van Chiah Hna

TaiNgen Khuapawng Ah SAC Ralkap Motor 10 In SAC Ralkap An Tthumh Hna

Kalaymyo in SAC ralkap motor 10 cu May 26, chun suimilam 12:00 hrawngah Chin ram lei ah an kai i Taingen khua phak hlan Mualpi khuapawng ah ralkap hna cu an chiah ta hna i, suimilam pakhat tluk hrawng a rauh hnu ah SAC ralkap motor hna cu a lawng in Kalay lei ah an kir tthan tiah tualchung mi nih an chim.
SAC ralkap hna cu ke in ramtang lei ah rallam an sial tiah Zalen nih a tial.The Chin Post

Relchap>>>>>Paletwa ah AA le SAC ralkap karlak ah kahdohnak a chuak

2022 May 26 – Chin ramkulh, Paletwa peng ah Arakan Army (AA) le SAC ralkap karlak ah kahdohnak cu zinglei sml 10:00am hrawng in aa thok tiah khuami hna nih an chim.

Kahdohnak hi Paletwa peng chungah a ummi Abaungtha khua pawngah a chuah hi a si tiah theih a si.

“Tuzing sml 10:00am hrawng thok in kahdoh thawng theih a si. Kahdohnak a chuak men lai. Hriamngan he hme he pehzulh in theih a si tiah khuami pakhat nih Khit Thit ah a chim. SAC battalion 289 zong nih hriamngan in a kah hna tiah an chim.

Kahdoh a chuahnak Paletwa peng Abaungtha khuate pawngah AA sakhaan pawl hmunhma an khuar bantuk in SAC ralkap zong nih hmunhma an khuar ve tiah khuami hna nih an chim.

Ref: Khit Thit

Be the first to comment

Leave a Reply

Your email address will not be published.


*