Kalay le Gangaw karlak lawmpi ah kahnak faktuk september 12 ah a chuak than caah PDF nih Gangaw lei mipi cu thawng an thanh than hna mipi hna kahdohnak fak a chuak than caah a ho hmanh chuakvak lo dingin an theih ter than hna. Nawl a ngai deuh lo i a lung a hak deuh pawl caah a thar in theihternak an tuah nak hi a si.Kalay Lairawn
Relchap: Hakha Palek CDM chung ah ralrin ding. February 1 i uknak an laak hnu February 5 hrawng in CDM timi cawlcanghnak kan i thok. Kan i thok ka in nihin tiang CDM pehzulh in a um. Hakha zong ah pehzulh in CDM an tuah rih. Lawmh a um, di a riam lawlaw. Asinain, September 7 hnu CDM tuah pawl hi kan i ralrin ngai an hau rih. Cu chung ah Hakha nih kan i ralrin ngai awk a si rua tiah ruahmi CDM pakhat ka vun langhter lai.
Hakha hrambunh Palek hna chung in September 10 ahkhan CDM a tuah mi minung paruk an um. Hi minung paruk chung ah PA pakhat hi February 7 Hakha mizapi zalam chuak in lam kan zawh lio in a rak i Dalan mi aa tel.
Mah mipa hi zeitluk indah tih a rak nun?
– Lamzawhnak ah hruaitu a si mi pawl ngiathlai tu. Hakha i tlaih mi hna an inn lam hmuhsaktu, Comment kip ah kan farle pawl a thihpheihtu, Lamzawhnak lei zeizong zeizong ah a pule sin ah thawng a thanhtu a si.
Zeiruang ahdah ka zumh lo Mizapi theih in, “Nan ngamh cun rak ka tlai uh. Nan ngamh poh ka ngamh dih. Nan ka tlaih khawh ahcun ka tlai ngat uh,” a rak ti bal. D-Day thanh hnu ceo (cu hmanh ah kahdoh chuah hnu ceo) i CDM ka tuah timi kha cu zumh a har bak. Pakhat khat cu an i tinh mi le aa tinhmi a um hrimhrim lai.
Cu a si ca ah September 10 i Hakha hrambunh Palek CDM paruk hna kha cu rian ngeitu hna nih felfai in zohkhenh an hau lai ka zumh. Amah ruang ah thong a tla mi an tam. Hrem a tam mi an tam. Mahtluk i a rak si mi CDM ka tuah ti hi cu zaa ah zaa ka zum kho lo lawlaw. Note: I ralrinnak ca ah ka tialmi a si mu. Credit: Salai Tluang Te
Leave a Reply