Kalay Ah SAC Ralhrang Motor Bomb In An Puahhnawh, Ralhrang 8 Leng A Hmun Ah An Thi

Nihin September 25, 2021 chun suimilam 12:00PM hrawng ah khan Uico Ralkap pawl cu Civil minung bantuk in Motorcycle (5) le Thil phurhnak Motor (4) he Kalaymyo chaklei in thlanglei kuate lei ah an kal cuahmah lio lampi ah PDF-Kalay nih an phomh hna i a tlawmbik ah Ralhrang (😎 an nunnak a liam tiah theih asi.

Ralkap pawl hi Civil minung nih kan hman mi Motorcycle 5 le Thil phurhnak Motor a ngan mi (4) bak in an kal. CDF-Kalay nih lampi in an rak bawh cia hna i Bomb in an puah hnawh hna hi asi. Kalaymyo PDF lei nih an chim ning ahcun Motorcycle (3) le Thir phurhnak motor pakhat cu Bomb puahnak in a rawk, cun a hmun ah ralkap 8 an thi colh tiah an langhter.

Bomb puahnak a chuah bak in ralkap pawl cu an lau tuk i an ruahnak in pawngkam khua lei ah heh tiah meithal pehtlai in an puah cuahmah. Cun mithi ruak pawl cu namchan in Motor cung ah an khin i an kal dih colh ti asi.

Relchap: Thathung peng Thungbogyi khua le Tthungbolay khua le Wezaw khua pawng i September 23-24 kahdohnak ah KNU Sniper nih ralhrang 2 a kahthah hna tiah KNU sinin theih a si.

September 23 chun ah Tthungbogyi- Tthungbolay khua pawng ah KNU Battalion (1) le ralhrang karlak caan tlawmpal te chung kahdohnak a chuak i KNU lei thlahmi meithal kuan nih ralhrang pakhat a khen i a thi. September 24 ah Wezaw khua hlei pawng ah ralhrang thazaang chap ah a rak rami ralhrang hna cu KNU Battalion (1) in Sniper nih a kahthan hna i ralhrang pakhat a thi than.

”Wezaw khua nichuahlei i ummi hlei pawng ah pura an um i cu pura kam ahcun ralhrang nih hmun an khuar i ralhrang thazang chap ah a rami Brigade (22) tang Khah-Mah-Yiah (20!) an si Sniper in pakhat kan thah. Cun Tthungbogyi -Tthungbolay kam ah Sniper in pakhat kan thah tthan” tiah KNU in nawlngeitu pakhat nih a chim .

Be the first to comment

Leave a Reply

Your email address will not be published.


*