Kalawm tuk Senator Dean Smith: Salai Bawi Lian Mang

Kalawm tuk Senator Dean Smith (atang ah Laica in ka ttial): Thank you very much Senator Smith for your friendship, compassion and supports for human rights and democracy in Burma, especially for the Chin people.

Australia senate ah kan hawi ttha asi mi Senator Dean Smith nih Chin miphun kong le Chinmi nih nuhrin covo le zalon nak caah kan cawlcangh nak kong ka chimh mi kha ka min chim i a chim caah ka lawm ngaingai.

CNA “guerilla” ralkap in ramtang kan rak ih tawn ah a cancan ah kan cung in vanlawng a zuang tawn. Mah i ka rak ruah tawn mi cu khi vawnlang a zuang mi le vawlei pi nih hin hi tluk rethei le thaba in nuhrin covo le zalon nak caah kan cawlcangh mi le kan miphun sining hi an kan thei hnga maw ti ka rak ruat tawn. Atu ah cun hawikom ttha nangmah bantuk nih na kan cawisan i Australia Senate le Parliament ah kan miphun kong chim rel nak can kan nei kho.

Australia cozah Minister pawl le Prime Minister tiang kan miphun kong, zalon nak le nuhrin covo caah kan cawlcangh nak kong zong kan chim khawh caah ka lawm tuk tiah ka rak chimh. Kan sining le kan duhnak kha lungtak te in le lungthin fak in kan chimmi a theih tik ah le kan zawn a kan ruah caah cu ka chimh mi cu Australia Senate Chamber pi ah ka min chim te in a chim tthan.

Ka lungsi in ka lawm hringhran. Kan mah kan fim kan thiam ruang le thil kan ti khawh ruang ah silo in Khuazing Pathian nih kan miphun kan intuar nak le kan sining kha a theih caah hawikawm ttha a kan pek. Kan kong kha vawlei cung mipical hna sin ah chimrel kho ding in lam a kan sial piak.

Atu zong Australia Prime Minister he Burma ram kong biaruah nak kan nei lai i biacah nan duh mi a um ah cun rak ka cah uh tiah a kan ti. Hibantuk kan ram kan van a san lio ah a mah bantuk hawikom ttha kan rak nei i kan duh mi nawl nei tu Australia cozah luban sin ah kan phak pi khawh mi hi thluachuah asi. Khuazing Pathian nih thluachuah vanni za he an biaruah nak ah lam hruai ko hna seh. Credit: Salai Bawi Lian Mang