Kahdohnak Thawngpangthar

Ayayawady Ramṭhen le Karen Ramkulh Kahdohnak Thawng

Ayayawady Ramṭhen le Karen Ramkulh Kahdohnak Thawng: Ayayawady ramṭhen Pyapon peng ah SAC ralkap hna cu bomb puahhnawh an tong i ralbawi tel in ralkap 5 an thi, tiah Black Dragon Commando nih thawng an thanh. Pyapon peng, Pyapon-Kyauklat(ဖျာပုံ-ကျိုက်လတ်) highway lam, Chaungdwin(ချောင်းတွင်း) hlei pawng ah nihin (July 28) zinglei Sml 9:58 ah a voikhatnak bomb a puak i palek bawi pakhat hliam a tuar. Zinglei Sml 11:28 ah Pyapon Aministration riahbuk pawng ah cycle i hmanh mi bomb cu a puak ṭhan. Cuka hmun chekhlatnak a tuahtu palik mawṭaw pakhat cu an kir lei ah bomb puahhnawh an tong ṭhan i, ralkap bawi pakhat tel in ralkap 4 hliam an tuar, tiah theih a si.

Cun, Karen ramkulh Kawkareik peng thlanglei Maungmah Thayakone(မောင်းမသာယာကုန်း) ah SAC ralkap le KNLA phufonh hna cu nihin (July 28) zing Sml 5:55 ah Sml 2 chung an i kap, tiah KNU brigade 6 nih thawng an thanh. Cu kahdohnak ah cun SAC ralkap a thi mi zeimawzat an um i an ruak pawl cu mawṭaw in an phorh hna, tuah tualchung mi nih an chim.

Kahdohnak ah cun Kawkareik(​ကော့ကရိတ်) hrambunh SAC ralkap kah-lah-yiah 97(ခလရ ၉၇) hna nih khuate pawl cu hriamngan in an kah hna, tiah theih a si. Kahdohnak ah a thimi le hliam tuarmi kong cu fiang in theih a si rih lo.Crd.. The Chin Post

Relchap>>>>>Tilak khua SAC ralhrang pawl cu 22 July, 9 AM hrawng ah an lut i 21 July, 8 AM hrawng ah an chuak than cang. A kar lak ah an lut chuah pah leng mang. Khua pawng zong ah an um kho rih caah Tilak khua pawng kam ah umkal i ralrin rih ko uh.

Tilak khua chung an um chung ah mipi inn lo an boh i Sui, Phaisa, Phone, Powerbank le Thilpuan tam lak te an lak piak hna leng ah Hmatpungtin le Ingtawngsuh cazin zong an hlonh piak hna. Cun Ar zong pakul (20) hrawng an thah piak hna.
Khuachung in Meithal tlawmpal le Hriamngan zong an puah tiah
CDF-Senthang nih cathanh an chuah nak in theih a si.LKZ News

Be the first to comment

Leave a Reply

Your email address will not be published.


*