Kahdohnak A Fak Ralhrang Minung Ceilak An Thah Hna

Kahdohnak A Fak Ralhrang Minung Ceilak An Thah Hna

Mon ramkulh, Kyaikto peng Daung tlang ah ralbawhtu SAC ralkap hna cu March ni 3 deilei suimilam 5:00AM hrawng brigade 1 hmunhma chung ah KNLA phufonh nih an kahdoh hna tiah theih a si.

Ingabo khua pawng Yangon-Mawlamyine leilawng lampi ah SAC ralkap leilawng run a kalmi humhimnak a lakpiaktu SAC ralkap minung 13 cu kahdoh an ton caah ralkap 6 an thi, 5 hrawng nih hliamhma an tuar tiah theih a si.

“Ralbawhtu SAC ralkap hna cu KNLA phufonh nih kahdoh an si, kan kahdohnak hmunhma hi kanmah hmunhma a si, anmah lei nih hmunhma ri an lonh. SAC ralkap nih zulhmi leilawng run hna cu a hlankan in an hmai ah humhimnak an laakpiak hna hi a si.

Kan theihning ah cun SAC ralkap 6 an thi 5 hrawng nih hliamhma an tuar, tualchung hriamtlai phu lei him tein hnu kan tolh kho” tiah Tathon pengkomh PDF in ṭuanvo ngeitu Ko Aye Min Htun nih a chim.
Ayeyarwaddy Times