Kahdohnak A Fak, Ralhrang 40 Leng Kan Thah Hna, PDF Minung 6 Le Khuachung Mi 4 An Nunnak A Liam Ve

Khin U ,MungHla khua kahdoh nak ah ralhrang 40 tluk an thi,PDF 6 le khuami 4 nunnak a liam ve.

Sagaing ramthen,Mung Hla khua ii November 23 ah a cuak mi kahdoh nak ah ralhraang lei in 40 tluk an thi ii ralhraang lei nih raltuk nak Helicopter hna hmang in kahdoh nak an tuah caah PDF 6 nih ram le miphun caah an nunnak an pek ve tiah PDF lei nih an fehter tiah tualchung thawng zamh nih an langhter.

November 23 ah rallam a siam mi ralhraang hna cu Pin Sing Khin khua ii an lut lio ah tualchung hriamtlai phu hna nih bomb in an puah hnawh hna leng ah hriam hme zong in an kah hna caah ralhraang lei in 40 tluk an thi,cu ti ralhraang an tuar fah caah raltuk nak Helicopter hmang in ralhraang nih kahdoh nak a rak tuah caah PDF chungtel HLaing Win telh in 6 nunnak a liam ii Caw a khal cuahmah tu kum 7 hngakchia pakhat telh in khuami 4 an thi ve tiah Khin U PDF hna sin in theih a si.

Relchap>>>>Tungse khua,khualai ah ralhrang hna rian khinh mi Sanyuaitaan sanguk bawi Htun Htun kah a tong ii a thi.

Bago ramthen,Thayawaddy peng , Tungse khua Sanyuaitaan sang ii ralhraang hna nih rian khinh mi sanguk bawi Htun Htun cu Nihin November 25 Zing slm 6:15 ah Tharyawaddy Kalone phu nih an kah caah a hmun ah a thi colh tiah thawng theih a si.

Tharyawaddy Kalone phu in rianngei tu nih cun “ Sang uk bawi Htun Htun cu ralhraang nih uk nak an laak sin khan a zung chung ah ralhraang hna hmun a khuar ter tawn hna ii ralhraang a tanh tak tak tu a si”tiah a chim.

Kahthah a tong mi sanguk bawi pa ii ruak cu ralkap le Palek hna nih an kal pi ii a tu hi ralhraang nih khua luhchuah nak vial te an phih ii checkhlai nak an tuah cuahmah sualnak ngei lo Mino hna an tlaih hna lai ii an thah hna lai ti kan phaang ngai tiah ,Khua mi pakhat nih Khit thit Media ah a chim.

Be the first to comment

Leave a Reply

Your email address will not be published.


*