Kahdohnak A Fak Ralhrang 17 An Thah Hna PDF Ralkap Minung 2 An Nunnak A Liam Ve

Kahdohnak A Fak Ralhrang 17 An Thah Hna PDF Ralkap Minung 2 An Nunnak A Liam Ve
Myinmu Ah PDF Fonh Le SAC Ralhrang Karlak Kahdohnak A Chuak, Ralhrang 17 An Thi PDF 2 An Nunnak Liam!
=====
Sagaing ramṭhen, Myinmu(မြင်းမူ) peng ah SAC ralhrang le PDF ṭangṭi phufonh karlak ah kahdohnak fakpi a chuah caah ralhrang 17 an thi, PDF in minung 2 an nunnak liam tiah, Myingyan (မြင်းခြံ) pengkomh Zero hriamtlai phu nih an langhter.

Nohawng[February] 26, zing suimilam 9:00 tluk ah Myinmu peng Kandaw (ကန်တော်) khuapawng ah SAC ralhrang thazang 80 tluk nih hngakchia pahnih an tlaih hna i, Zero Pioh Cia hriamtlai phu sakhan lei rallam an sial caah tualchung hriamtlai phufonh nih bomb, hriamngan le meithal hna hmang in zan suimilam 7:00 tluk tiang an rak kah hna, tiah theih a si.

“SAC ralhrang nih an tlaihmi hna hngakchia kum 12 le kum 13 pahnih cu sakhan umnak ah an van i hruai hna i sakhan an phak in an lu an tan hna i, sakhan zong an khangh hnu ah PDF minung pahnih an tlaihmi hna zong phungki sianginn ah an kalpi hna i an lu an tan ve hna, SAC ralhrang nih phungki sianginn pahnih zong mei in an khanghchih, tiah Zero Pioh Cia Battalion-7 in ṭuanvo ngeitu pakhat nih a chim.

Hi kahdohnak ah SAC ralhrang 17 kahthah an si i, PDF in minung 2 nih ram le miphun caah nunnak an pek. Hngakchia pahnih zong SAC ralhrang nih an thah hna hnu ah PDF sakhan an khanghmi ruang ah miset telh in paisa Sing 200 leng man kan sungchih, tiah, tualchung PDF nih an langhter.
#Lungmili Post
#Khit Thit Media