Kahdoh Nak Ngol Ding In Thawngthanh Mi Cu An Caah Hnangam Nak A Chuah Pi Kho Ve Hrim Lo

Kawlram chung ah a tulio acang cuahmah mi Covid-19 kong he pehtlai in humhim nak le a daih deuh khawh nak hnga tiah May 10 in August 31 tiang kahdoh nak chuahter lo ding in minthut nak le thawngthanh nak cu Tatmadaw lei nih an thanh cang.

Asinain hi kahdoh nak ngol chung dingin thawngthanh nak an tuah mi ah hin ralhrang pawl tiah an ti mi hna AA pawl cawlcangh nak hmunhma hna hi cu an i tel lo tiah an chim. Hi ralhrang pawl an umnak hmun hi Chin state chung Paletwa pengkulh ah a si i Tatmadaw he fak ngai in kahdoh nak a ngei cuahmah mi hna an si.

Tatmadaw nih ralhang AA pawl hi helicopter in an kah lengmang hna i an karlak ah fakngai in kahdoh nak hi acang cuahmah mi zong a si ko nain thlathum chung kahdohnak ngol ding in thawngthanh nak an tuah mi ah Paletwa pengkulh chung AA pawl he kahdoh nak ngol chung ding hi cu an langhter lo. Cu ruang ah Paletwa Chin ralzam hna caah cun hi kahdoh nak ngol chung ding in thawngthanh nak an tuah mi nih hin hnangam nak a pek kho ve hna lo.

“kan khua chung ah Tatmadaw nih helicopter in fakngai in an an rak kah caah kan khua cu a kang dih hilhial ko. Inn a kangh dih pinah minung zong hliamtuar mi an tam hna i a tu zong hi sii kan thlop cuahmah hna lio a si. Paletwa sianginn ah kan rak zam dih hna i hmunkhat ah kan um ko hna” tiah Naan Chaung Wah khua in a rak zam mi Daw Aung Htin nih BBC thawngzamh sin zong ah a chim.

Ref: BBC

 173 total views,  1 views today

This function has been disabled for Chin 11 News.