KIA/KIO cawlcanghnak hmun Kachin ramkulh chungah ralhrang lei nih ralkap thazaang an chap nak an tuah tiah khuami hna sin in theih a si. Waingmaw khua Khah-Lah-Yah 58 ralkap cu KIA nih an kah hna hnu Waingmaw, Myitkyina, Kachin ramkulh khua hna ah ralkap thazaang tam pi an chap tiah theih asi.
“Ahmun hma ah aum mi ralkap siloin, a dang ralkap motor 4 hrawng an lut cang, Waingmaw zongah, Myitkyina lei zong ah an chap hna tiah kan theih mi hna minung sin kan theih” tiah Waingmaw khuami pakhat nih a chim.
Aluan cia July thla dongh in August zarhkhat tiang zarhkhat chungah KIA nih ralhrang Khah-Lah-Yah 58 hna cu voi 4 an kah hna hnu, ralhrang lei in hriamngan, helicopter in ralkap an chap i kahnak a fak tiah kan theih asi.
August 10, Kachin ram caah nunak pekmi upat peknak ah KIO Chairman Gen. N ban La biachimnak zong ah “Burma miphun ruahnak lungput ngeimi ralhrang a hram in bonh ding in biakam nak kan ngei cang “tiah a chim.Ref: MPA
Relchap: Tuni August 11, 2021 Falam khuapi chung cu ralhrang an vak hna tiah theih a si. Falam peng cu ramtang ah a thli in ralhrang nih mi an ngiat i Hmanbilu in a kenkip lo an zoh tiah theih a si.
Falam peng khuate cheukhat zong ralrin an pek hna i, Falam khuachung um mi le khua pawngkam khuate cu ralhrang ruangah thinphang in an um hna. Nihin Falam khuapi chung zongah Hrang Thio certual thlanglei, lam tonnak hrawngah SAC ralhrang minung 20 hrawng an i chok tiah theih khuami pakhat nih a chim.
Leave a Reply