Ka Nu Rak Ka Chanh Hram Ko Ka Celh Bak Tilo Tiin A Hrum-Ai Thawng Ka Theih Caah A Rannak In Ka Chuah Tik Ah Cun

Ka nu aw…ka celh bak lo e..rak ka chanh hram ko tiah a hrum-ai thawng cu naan suimilam 10: 45 minutes ah khuabawi innchung ka thutnak hmun in ka theih caah a rannak in chuah ka zuam ve I a hmun ka phak lai teah a pawngkam ah minung an tam ngai cu ka hmuh hna.

Ka lau pah caah namchan nawn in ka kal I a pawng ka hun phak I ka zoh tikah cun a rak tah tuk nak ah  a mitthli nih a zual dih I a hmai cu puanchia a tlek nawn mi in ai huh ko. A hodah a si hnga tiah fiang deuh in ka hun zoh tikah cun kum 56 chung thinlung tlamtlin lo ruang ah hawi tluk ruahnak hmanh a ngei kho ti lo mi le sifak rethei ngai in nun caan a hmang mi Daw Aye Moe a si kha ka hun fiang.

A pawngkam ka hun zoh than tikah cun thisen nih a zual mi tlakrawh pakhat ka hmuh caah ka lau tuk I Daw Aye Moe cu tha tein ka hun zoh tikah cun mitthli ah ka rak ruah mi cu thisen nih a rak zual dih tu kha a si. A thisen chuahnak cu ka I a lu cu hmunthum ah fak ngai in tlakrawh in an rak den mi a si I cu ruang ah a thisen hi a tam ngai nak si.

A lu kuai nak cu tha tein ka tuah piak a hma zong cu sii ka thuh piak dih hnu ah bia ka hal I a ka chim mi cu “mawtaw cycle in tlangval pathum nih ka tangka ngeih cu chuh an ka timh caah ka siang lo I tlakrawh in an ka den” tiah a hun ka chim.

Daw Aye Moe nih a ngeih mi tangka hi khuaruat kho le dawtu cheukhat nih an thenh chih mi a si I puanchia in a tuam hnu ah a pang ah ai pawi chih mi a si. Daw Aye Moe cu a tangka an chut kho lo nain faktuk in an rak vuak ve.

Credit-Aye Yeik

 447 total views,  1 views today

This function has been disabled for Chin 11 News.