Ka Fapa Damnak Ding Ah Pathian Sin Thlacam Nak Lawng Hi Ka Bochan Mi Le Ka Herh Mi A Si Ko

Khuazei ram mi dah a si ti le a min langhter lo mi pakhat nih Candy TV timi Facebook Page pakhat ah ca a rak tial mi nih mipi mitthli tla le ngaihchia in a rak chiah hna. A fapa hi pulrai zawtnak a si mi Covid-19 nih a phak ve mi a si i siizung ah zohkhan lio mi a si tiin a langhter.

Cun a fapa te cu lungdong ngai le ngaihchia ngai in a mitthli he a thut hnawh i Mask zong bunh lo tein an pafa hmanthlak cu Facebook Page ah cun a rak tarlangh hi a si.

Cu pa nih a tial mi cu “ka fapa dawt a chuah lio ah ka dawt mi ka nupi cu a nunnak a liam ve, cun ka fapa dawt cu Covid-19 zawtnak nih a phak ve caah zualhma ngai in siizung ah kan um ko.

A nundam than khawh nak hnga ruahchan ka ngeih khawh chun mi cu a nungmi Pathian sinah thlacam lawng hi a si ko. Cun ka fapa damnak ding ah Pathian sinah thlacam rak kan bawm ve hram ding in kan nawlpat ko hna. Ruahchan nak ka ngeih khawh chun mi cu a nung Pathian sinah thlacam lawng hi a si ko” tiin a mitthli tlak buin Facebook Page ah cun thlacam bawmh halnak a rak tial hi a si.

Hi hna pafa hmanthlak le a catial mi ruang ah minung tampi an ngaihchia hna i a rauhhlan ah a fapa nih damnak a hmuh khawh nak hna thlacam kan in bawmh ko tiah an rak tial cio.

Source: ZORAM KHAWVEL : CHANCHINTHAR (Mizo-Hakha)

 160 total views,  1 views today

This function has been disabled for Chin 11 News.