Justin Bieber Te Nupa Cu HmunKhat Ah Tipil An In Tti

Justin Bieber nih cun Instagram ah an nupa in tipil an in nak hmanthlak cu Nili ni ah khan a tar i, an fan pawl nih an lawmh pi tuk hna.

An hmanthlak tar mi captian ah hin, Ka nupi Hailey Bieber he hmunkhat i, tipil kan in tti lio hi, ka nunchung ah thilmak pakhat a si tiah a chim. Jesuh khrih kan dawtnak le a caah zumh awk tlak kan si nak cu kan chungkhar le kan hawi le he kan langhter tiah a tial chih.

Justin Bieber te nupa hi Khrihfa zumhnak ah an hnget tuk i, a hmanthlak tar mi ah hin an nupa in an pastor nih an kut a tlaih hna lio i tichung an um lio  hmanthlak zong hmuh khawh a si. An nupa hin Instagram ah Jesuh khrih  an i bochan nak kong cu an langhter peng.

A liam cia niruk hrawng zongah khan, Jesuh khrih hi ka ruahchan mi le ka zumh mi a si tiah a post nolh i, hi a post mi ah hin Jesuh khrih cu ka harsat nak kip le ka buainak chungin a ka chanhchuah tu a si i, ka ruahchan mi cu khrih lawnglawng hi a si tiah a a tial fawn. Hi ti a post mi hi minung ting tampi nih like an pek i comment zong tampi a nei faw.

 90 total views,  1 views today

This function has been disabled for Chin 11 News.