Justin Bieber Nih Nu Pahnih Tizacuai Nak A Tuah Hna, Ceilak Liamter Ding An Si

Canada ram mi Pop star minthang Justin Bieber cu nu pahnih nih zingzak le mualpho in mipi theih ah an tuah mi ruang ah a thinhang tuk ve i cu nu pahnih hna cu USD $20 million liamter pianah an konglam ceihpiak ding in tizacuai nak a tuah hna hi a si. Cu nu pahnih nih cun an Twitter hmang in vawlei cung mipi theih ding ah ca an tial i “Justin Bieber nih an kan tleihhrem” tiah a nithla he fiang ngai in an rak langhter.

Danielle timi min pakhat nih a tial ning ah cun “Texas pengkulh, Austin khuapi chung i hotel pakhat ah 2014 March 9 ah khan Justin Bieber nih a rak ka thleihhrem” tiah a Twitter hmang in ca a rak tial.

Cu hnu tlawmpal ah cun Kadi timi min pakhat nih a rak tial than ve mi cu “2015 May thla ah khan New York i Hotel pakhat ah Justin Bieber nih a rak ka tleihhrem bal ve. Danielle chim mi hi ahman mi a si lai, kei zong nih ka ton ve mi a si caah Danielle chim mi hi zumh awk tlak mi a si” tiah a rak tial ve.

Hi kong he pehtlai in Justin Bieber nih Danielle le Kadi an chim mi hi a hman lo, an lih a si tiah a tial hnu ah Los Angeles biaceih zung a sangbik nak hmun ah tizacuai nak hi June 25 ah khan a tuah hna hi asi. Justin nih tizacuainak a tuah hna lawng hmanh si loin USD $20 million a liam ter rih hna hi a si.

 130 total views,  1 views today

This function has been disabled for Chin 11 News.