July Thla Sianginn Kai Thawk Dingi Myanmar Education Ministry Khuakhannak Hi Ruat Ve Hmanh Uh!

Khan (class room) pakhat ah sianghngakchia 20 nak tam lo tthut ter ding, sianghngakchia hna cu feet (pe) 6 i hlat in tthut ter ding tiah order an chuah.

1. Chin state /Myanmar ah cun tang 9 tang 10 cu 80% Boarding school (a sawng) deuh ah a lutmi kan si, Central Education Ministry nih hin Sianginn pi cacawnnak lawng ma a ruah? Boarding school hi tah a ruat ve ma? Boarding school ah tah class room (khan) khat ah 20 lawng ma an tthut ve lai? Feet (pe) 6 i hlat in ma caa an ciah, an cawn, zan an ih hna lai? Education ministry khuakhan mi hi Boarding school vialte nih zulh ve ding a si ah cun Boarding school ngeitu caah miak a um lai lo, a sungh hmanh a sung deuh men lai. A ruang cu boarding school pakhat ah sianghngakchia tam an um kho lai loh.

2. Sianginnpi kai tik ah tah ttaansi nak ah feet (pe) 6 i hlat in ma sianghngakchia an dir hna lai?

3. Sianginn kainak le Boarding school ah sianghngakchia Covid-19 positive um hna seh law Education ministry nih thlawpbulnak senso a liam piak dih lai ma? Sianginn kainak ah Covid-19 ruangah sianghngakchia thihlohnak cang sual seh law Education ministry nih Insuarance (lu man) a pe lai ma?

Atu chan ah Laitlang lei zong ah Smart phone an ngei dih deuh ngawt cang, hawi ramdang tuah ning bantuk in online class hna in hei kalpi rih seh law a ttha deuh hnga ma tiah ka hei ruat, minung nih nunnak pakhat lawng kan ngei, kan nunnak hi a sunglawi tuk, fimnak cawn a tlai loh, kim khat daithlan ruang ah kum 70 le kum 80 a dam ding kan nunnak kan sung kho.

Catialtu: Doris RualThanga Thangtea TL

 289 total views,  1 views today

This function has been disabled for Chin 11 News.