Joe Biden Thiltuah Mi Ruangah, US Ralkap Nih Trump An Ngai Tuk Lai Ning Hi!

US super power ram a sinak a tlau thluamah cang lai tiah mi tampi nih comment ah an tial. Mah bantuk a si a cun US ralkap hi zeirel lo in an um cang lai tiah an duh lo ning heh tiah an langter. US ralkap chungah nudok, padok pawl nih rian an tuan ve cang lai. Trump President a rak si lio ah a rak tuah mi, “Nudok padok pawl caah ralkap si cu cohlan lo ding” tiin executive order min thutnak a tuah mi cu Joe Biden nih hlawn a tim cang!

Joe Biden nih devoted Catholic (Catholic khrifa caah heh tiah a pe ve mi) a si. Asinain Joe Biden president tangah cun, Nudok padok, Gays, lesbia Transgender pawl (LGBTQ) nih an duh ning bantuk in an cawlcang kho cang. President Joe Biden nih tuah a tim mi cu, President Trump nih July 2017 ah US ralkap mah le sinak fiangtein a thei lo mi pawl hna, Nu si tung i, pa ah a thleng mi Pa si tung i nu ah a thleng mi (Transgender), hna ralkap ah lut a duh lo mi cu Joe Biden nih a duh mi poah nih US ralkap tuan khawh a ti cang lai tiah White House source nih a langhter.

Barack Obama nih transgender pawl hna cu US ah zalawngtein um ding in inn ka kau pi a awn piak hna. Asinatein President Trump nih Bible cawnpiaknak bantuk a si lo tiin a cohlan lo. Defense Secretary Lloyd Austin nih a chim mi cu, Pentagon zong nih Transgender pawl ralkap ah cohlan hi an dirpi ve tiah a chim. Trump administration lio ah Transgender US ralkap a tuan cang mi hna cu service sian an si, Nain a thar Transgender cu a cohlan duh ti lo.

Biden administration tangah cun Nudok padok pawl nih an duh ning bantuk in US ralkap ah an lut khawh cang lai caah, White House contact Website ah Mipa si lo, Nu si lo, hna cu gender-neutral title ‘Mx’ an ti hna. Vawlei ngai hi, a buai chin lengmang ko hi. Pathian bia a tling thluamah cang ko hih. Source-WhiteHouse/The Chindaily Post