Joe Biden Nih President A Tuan Ahcun Kum 4 Chungah Thil Tihnung Pahra A Chuak Ding!

1. Tax a kai ding ih company pawl hna an ṭuan thei lo ding. Obama san lai vekin ramdangah U.S. company tampi an cer ding. Hnaṭuan nei lo unemploment a karh cak zet ding. Entry level hnaṭuanpawl paycheck veikhat lakah tax $70-$100 pek a ṭul ding.

2. Hnaṭuan nei lo an tam ding ih rukru, damiah an karh nasa ding. BLM thubuai ihsin Police ih misual action lak theinak (hremtheinak) an neihmi tampi an lak sak ding ruangah U.S cu misualpawl ih rampi, zalen zetin sualsik bawlnak hmunpi ah a cang ding.

3. Lesbian, Gay, Bisexual, Transgender, Queer (LGBTQ) pawl duhtawk ih an vawrtawpnak rampi ah a cang ding ih tleirawlpawl an thinlung duhnak nei cia lo hman teenagers ziangkim test duh thinlung ruangah rin lo pipin LGBTQ ah an cang ding.

4. U.S. cu Sadom le Gommorah zin ciah a zawh ruangah an tuar vek a tuar ve a ṭul ding. Sual ih fun sah bepbep, thim bembem ram ah a cang ding. Thim lak ah zin a zawh mi hman thei lo in a hlo ding.

5. Stocks market control an tum lo ruangah China kut ah shock share tampi a thleng ding. U.S. bankpawl, 401(k), retirement thu ah a buai nasa thei.

6. Non profit organization (501(c)3) khal tax lak a tum ruangah kawhhranpawl, mibawmtu company tampi, rawngbawltupawl khal tax pek a fial thluh ding. Kawhhran tla cu a rek bet nasa zum a um. Ziangahtile Christian pawl ih zunnak hnget le ramneitu dinhmun ih an din hi liberal pawl ih an mitkemnak bikmi a si.

7. Israel a hlauhla ding ih cutin U.S.A. malsawm kungpi Israel, liberal pawlin an hau tlu ding. *”Nangmah mal lo sawmtu cu mal ka sawm ding, A lo camsiattu cu ka camsiat ding.(Gen 12:3)

8. Trump ih nasatukin a rek bet ruang ih cangvai thei lo hel hmangpawl (terrorism) pawl an cangvai supso ding. ISIS vek pawlkom tampi a karh ding. Hipawl ih tumtah bikmi cu Christian pawl that thluh ih cimit. Leitlun pi luahkhat a si kha!

9. Politician pawl thinlungah “diklonak thawn khal in lal a theih” timi lungput nei an tam sinsin ding ih fair and transparent elections le ram duhdawttu taktak, mi dik, mi fel, sinak co an mal deuhdeuh ding.

10. Hnam hleihdanawknak (Midum, mirang, misen) a um lo timi an feh luan tuknak ah mah hnam ciar thupi bik ih ret duhnak a sosang ding. An hngal in an duhaw ciamco ding ih a burbur ih kahawknak, sualawknak, thatawknak a karh nasa ding.

# Bible eng ih feh tu hrangah cun U.S.A hi ṭahpi rero ih topi tlak dinhmun a si. U.S.A ram dintu Christian pacang ṭha, Bible kai fekfek kan palepawl le President hmaisapawl khal an riah a sia zet ding. Tuni ah, zumtu tampi kan thin a kekkuai ih kan ai in kan hram rero fang cu a si eeeeeeee…😥 Catialtu: Thian Awi Sang