Joe Biden Nih A Chimmi Cu Thinphang Ngaingai A Si!

US thimnak ah Trump nih a sunghmi hi ka cohlang kho baklo, ka sunghnak thimfung a fian hlanlo chung poh tiah ralrin nak le theihternak a pek cia cang. Achimnak ahcun hi bantuk ka sunghnak hi mee ka hmuhlo ruang a silo ka mee Biden le Party nih an ka fir piak caah asi tiah alanghter. Cu tluk tiang in Trump nih sungh aduhlo tikah tuanvo ngeitu hna zong nih mee an firnak evidence ttha tein rak langh ter, mah na langhter khawh lawng ah kan zohchun tthan lai ii na rian zong na pehzulh khawh tthanmi asiko tiah an ti.

Asinain Trump nih a rian pehzulh tthan ahcun zeidah atuah lai ii zeithil dah acanglai ti zong ceihmai cuahmah cang. Hi kong he pehtlai in Joe Biden nih US election an tuah hlan hrim khan arak chimcia cang. June 11 lioah Biden cu biahalnak an ngeihmi ah “Biden! Trump hi hei sung sual sehlaw Whitehouse pikhi aka pe sual lailo tiah na ruat balmaw tiah an hal. Biden nih cun aw! Ka ruat bal ko, asinain mah bantuk ahcun a mah pei harnak chungah aa khumh a si kocu a can a dih cang hnu ahcun President ttuan cu a ngah tilo. Cu caah a dik in rian ttuantu ralkap hna zong nih an torrel dih kolai caah Trump cu President ttuan kholo ding in an tuah te kolai ii Whitehouse in a chuak tthan kolai tiah a rak chim bal cang.

Cun Biden nih teinak ahmuh nii ah hi tihin biachimnak angeih hi bantuk in teinak ka hmuh hi keimah le ka party duhnak lawng in a silo. Mipi nih an ka vote caah le rampi nih hna tlakpimi electoral mee an ka pekmi ka tlin caah a si ko. America mipi nih pei an duhmi cu an thim ii US election zong cu biakhiah nak an ngeih cu. A sinain America cozah nawl ngailoin a cawlcang micu whitehouse in a leng chuahnak nawl hmanh khi an ngeih hna tiah a chim fawn.

Cu bantuk in Trump nih the whitehouse kal tak a duhlo caah Biden nih kirkamhtu aa ngeihcia hna ii January 20 a phanh ahcun Whitehouse ah luh ternak lam an tuah cuahmah pi a si tiah kan theih. Trump nih kal tak a duh asi zongah a duh lo zongah a tu an dirhmun zoh ahcun Biden hi US president siding cun aa fiangbik khi a si rihko. A tuhmanh ah tlangtla tu ttha taktak an chiah cang tikah cun Trump nih Biden cu a tthutnak a kianh a hau tthan kolai tinak a si. Source: BBCB