Afghanistan ram ah chiah mi US ralkap lak than ding Joe Biden biachahnak cu aa palh hringhran, thathnemnak um lo ningzahnak he a rian a chuahtak awk a si cang tiah Presindent hlun Donald Trump nih August 16 ah a chim.
“Afghanistan khualipi Kabul rungveng kholo in Taliban misual kut a phanh hi cu American tuanbia ah kan sunghnak lianpi a si. Biden nih a thiltuah mi pawl hi tuanbia sawhsawh bantuk men an si,” tiah Trump nih a chim. Cun, a tanglei thil hna ruang ah hin a rian a chuahtak a herh tiah Trump nih a chim.
1. Afghanistan buainak ruang ah
2. US ah COVID-19 rianrang tuk lawmmam in a karh ruang ah
3. Zalonnak thazaang pawl an zor ruang ah
4. Chawhrawlnak a tlak ruang ah; Ref: Times Now Digital + The US SUN
Relchap: Shan ramkulh nichuah lei hmun 4 Minelar peng chung ah angan a dam ko tinak ca minthut ngei lo bu in a umthu mi cu tangka liam a si lai tiah an thanh.
Covid-19 zawtnak a karhtuk mi hi i runven khawh nak ding caah khuachung ummi hna nih nan hlaan mi innkhaan in a dang inn khaan ah i thial, Hotal le khual riahbuk hna ah riah nan duh ahcun hmun 4 ngandamnak minthut le mah pengchung khuauk bawi zung minthut ca lak ding a si lai.
Kanmah he a pehtlai mi khuabawi zung i lungtlinnak minthut ca a um lo bu in a umthu mi theih nan si sual ahcun tangka liamter a si lai tiah August 15 ni ah Minelar phu nih theihternak an tuah.
Minelar khua cu Myanmar – Taluk ramri khua pakhat a si i Casino, phaisa in lentecelhnak, rithai sii,i zuarnak, sahrang saram chungchuak thil chawleh thalnak, khualtlung kal hna le mi tampi nih theih nak hmun a si.
Tulio pulrai ruangah Taluk ram nih Myanmar ram mi cu an auh hna i ramleng chuahnak nawl an phih ruang ah Minelar khuapi ah chawleh thalnak mithmuh in a zor thluahmah tiah khua mi hna nih an chim.Shan nichuak lei hmun -4 hmunhma cu rallokap he deihnak a la mi (NDAA)nih a runven mi asi.#DVBnews
Leave a Reply