US President thimnak kongah neih ding mi kong he pehtlaiin Democratic president candidate, Pu Joe Biden nih cun President ka tlin a si ah cun ramdang in a rak pem lut mi pawl illegal immigrant mi nuai 11 hna cu US khuale ram si nak tlamtling tein kan pek hna lai tiah bia a kamh hna.

Nithumni vitual fund raiser an tuahnak ah Biden nih cun hi bia hi a chim i, An ramchung i Covid-19 an doh nak kongah teinak hi ka hmuh colh lai tiah a chim. cu lawng si loin An ram chung chawleh thal nak kong le rianthar tampi a um nak hnga hi biapi bik ah a chiah nak kong a chim chih.Cu lawng si loin illegal immigrat pawl sinah an khua le ram sinak kan pek hna lai, hihi a biapi tuk tiah a chim.

US President a si ah cun mipem pawl minung nuai 11 sinah citizenship peknak bill cu House le Senate ah ka kuat colh lai tiah a chim. Joe Biden hi mi cheukhat caah cun a tha tuk lawmmam ko nain a do tihna caah cun a tha lo tiah a au mi an tampi ve.