Joe Biden Caah Thawngpang A Chia!

Note: Vawlei cung ramkip mipi nih hodah asi hnga? a thar maw asi lai a hlun tiah kan bawmh Pengmi US Hruaitu ding thimnak ni le thla cu kan naih cuahmah cang, Hruaitu asi cuahmah lio mi DONALD TRUMP nih maw a pehzulh hnga i Hruaitu thar dingin aa pe mi JOE BIDEN nih dah timi hi, ho cio poah nih an i buaipi cio mi cu asi. A tanglei kan vun langhter dingmi he pehtlai in tuak ahcun Joe Biben hi teinak hmu dawh asi ti lo hih tiah ruah khawh asi.

SALAI LAIRAMTHANG: Democratic Party aiawh in President a cuh dingmi Joe Biden nih official tein candidate cohlannak a tuah. Presidential candidate cohlannak a tuah lio TV in a zohtu hna cu Hillary Clinton nih democratic party presidential candidate cohlan lio TV in a zohtu hna nakin 21% in an tlawm deuh ti a si. Joe Biden nih a cohlan lio cu TV in 21.8 million lawng nih an zoh ti a si. Democratic party convention a zohtu zong 50% tluk an zor ti a si. President Donald Trump cu 2016 Presidential candidate cohlannak a tuah lio ah TV in a zohtu 34.9 million an si.

Apple Firm US$ 2Trillion

Coronavirus ruangah company tampi a pur nain coronavirus ruangah company cheukhat an thangcho I, an rum chinchin ve. Apple company cu an stock le share man a kai tuk caah Apple firm nih an ngeihmi cu US$ 2 trillion tiang a phan ti si. Amazon cu $1.65 trillion, Microsoft $1.6 trillion, Google $1.06 trillion a phan. Virus zawtnak chungah stock a kai bikmi hna cu Apple, Facebook, Amazon, Zoom le Telsa an si.

 178 total views,  1 views today

This function has been disabled for Chin 11 News.