Jesuh Hi Sertu Pathian A Si Lo Ti Hi Chim Ngam Ding Le Ṭial Ngam Ding A Si Lo!

Bible hi rel lawngin a za lo i fian hrimhrim a hau mi a si. I fianlo ah cun a pingin zumh palh a fawi ngai mi a si. JESUH hi sertu Pathian hrimhrim kha a rak si ti a fiannak cu a tanglei bang in a si.

Zohmanh: 👉 Zekhariah 11 relnak 9 a tang deuh tein ka hun thawk lai. Khi tikah ka min in thla an cam lai i Keimah hrimhrim nih ka leh hna lai. Kei nih, “Annih cu ka mi an si ka ti hna lai i annih nih, “Bawipa cu kan 👉Pathian a si an ka ti lai, a ti.

Khah, hihi rel hi. Zekhariah 12:1. Mah hihi Israel kongah Bawipa nih a chimmi bia cu a si. Bawipa nih van cu a samh i vawlei kha a ser i minung chungah thlarau a sertu kha a si a ti.

Relnak 2 khan van rel lengmang law relnak 10 ahcun tihin na hmuh lai, Sihmanhsehlaw David ciruang hna le Jerusalem khua i a ummi hna cungah cun zaangfahnak le zawnruahnak thlarau kha ka thlet lai, a ti. Khi tikah an rak Ka chunhmi

Keimah kha an zoh lai i Mi nih an fa ngeihchunte an ṭah bang le an fater an ṭah bang in an ka ṭah lai, tiah a ti. Hi bia a chimtu hi, hodah a si? Annih nih Bawipa cu kan Pathian a si an ka ti lai a titu kha a si cu. Cu Pathian nih cun dahawh an rak ka chunh mi Keimah kha an ka zoh lai i Mi nih an fa ngeihchun an ṭah bang le an fater an ṭah bangin an ka ṭah te lai a titu kha a si cuh.

Khah, Hodah An Ṭah Mi Cu A Si?. JESUH cu thah dingin vailam an put ter i an kal pi. Mi tampi nih an zulh i cu hna lakah amah a rak ṭah lengmang mi nu tlawmpal an um a ti. Luka 23:28.

Hodah An Chunh Mi Cu A Si?. JESUH hnak cu ralkap pakhat nih khan Fei cun a hun chunh. Johan 19:34. Cun Zekhariah 14 relnak 5 dongh lai te ah khan, 👉Bawipa ka Pathian👈 cu amithiang mi vialte hna he an lang lai a ti.

Khah , Hodah Vancung Mi Hna He A Lang Ding Mi Cu A Si?. Mi fapa cu lianhngannak le surparnak he vancung in a rat kha an hmuh lai. Muko nganpi cu an tum lai i vawlei kil li ah a vancungmi kha a thlah hna lai ti a si. Matthai 24:30.31.

Khah, Zekhariah 11: 9 khan rel lengmang law Zekhariah 12 : 1 in rel rih law relnak 9.10 ahcun na hun fiang cang lai. Zekhariah 14: relnak 5 a dongh lai te ahcun Bawipa ka “Pathian” tiah a timi a um kha.

Hihi na rel i na fian hnu cun, “Awww JESUH hi Van a samhtu, Vawlei a sertu le Minung chungah thlarau a sertu PATHIAN pei a rak si diam ko hi tikha na lungthin nih a zumh lai i na kaa nih a chim cang lai i na kut nih ṭial cang lai. Note: Zekhariah profet a rak chawntu Pathian hi Jesuh hrimhrim hi a rak si e. Amen. Credit: F Bawi Khamh