Japan Ram Rili Ah China Raltuknak Lawng Ngan Pipi Pahnih A Luh Caah Japan Cu China Cungah A Thin A Hung

Japan nih cun East china Sea island i an ram rili ah China coast guard lawnglian pi cu a luh caah le, an umnak hmun cu chuahtak dingin an ti nak hna hi nithum a rauh hnu zongah an um peng rih caah china cungah hin Japan hi a thin a hung ngaingai i, a lung a tling lo ngaingai.

China lawng ngan mi pahnih hi Pathian ni zing khan Japan ram rili cungah an lut tiah an chim i, voi tampi warning an pek cang hna i, chuah tak dingin an chimh hna nain an kal kal duh lo tiah Japan coast guard official te nih cun an chim.

Chief cabinet secretary Kasunobu Kato nih cun China lawng an kal duh lo cu kan i lawm lo ngai tiah chim in Japan ram rili cu chuahtak zokzok dingin China nawlnei tu hna cu an puh hna i, Japan nihcun a ram rili le hmundang boruak i A ram chung pohpoh cu tha tein a hum him lai tiah a ti.