Japan Ram PM Shinzō Abe Cu Vuanci Rian In Ai Phuak Cang Lai

Japan ram ah vuanci (Prime Minister) a tuan lio mi Shinzō Abe cu Japan ramchung ngandam nak a that deuh hlei lo caah le an ramchung thaw ngchia hna ruang ah Prime Minister sinak in ai phuak cang lai tiah NHK thawngzamh nih cun an langhter.

PM Shinzō Abe nih a chim ning ah cun Japan ramchung ah tulio sining in zoh ah cun ngandam nak lei hi a tha lei kan panh kho hrimhrim lo, a zualhma mi kan lo chin lengmang caah hi nih hin acozah riantuan tu hna le tuanvo ngeitu hna cung ah buainak a chuahter khawh mi a si i cu ruang ah ka rian in ka dinh nak hi a si tiah a chim.

PM Shinzō Abe hi a chungril lei damlo nak fak ngai in a ngei mi asi i kum sau ngai a tuar cang mi zong a si, kan hnuzarh chung ah khan voihnih khengte siizung ah admit a si hnuin Vuanci rian in ka din cang lai tiah thawngthanh nak a tuah zong hi a si. August 17 ah khan PM Shinzō Abe hi siizung ah suimilam 7 chung operation zong tuah a rak si ko nain thawngzamh sinah le mipi theih ding in zeihmanh chim phuan nak a rak um lemlo.

Cu hnu zarhhnih nak ah siizung i ai piah than hnu lawng in a zual hma ko tiah theih a si caah mipi pawl zong lungrethei ngai in an um hna. Shinzō Abe hi 2021 September thla ah vuanci a tuan mi term hi a dih te ding a si i a term chung hi a dih tiang a tuan kho hnga maw tiah mipi pawl zong lungrethei ngai in an um hna.

Asinain nizan ah Vuanci Shinzō Abe nih cun Prime Minister ka si nakin ka din/phuak cang lai tiah thawngthanh nak a tuah mi ruang ah Japan mipi ngaihchia in a chiah ko hna.

Source: Akon Thi

 185 total views,  1 views today

This function has been disabled for Chin 11 News.