Japan Ram Cu A Thi Um Mi Poh Cozah Nih 600,000yan A Bawmh Hna Lai A Ruang Cu Minung An Karh Lo Tuk Caah Minung Karh An Duh Ve Cang

Japan cozah nih nungak le tlangval a thi um mi pawl cu, an hreh mi tete cawk nak ah tiin Ting 600,000 yen in kan bawh hna lai tiah Japan today ah an tarlang.

Japan ram hi karh deuh sih minung tamdeuh sih ti an duh caah a si, nuva a thi um mi an tlawm tuk i, minung karh sih tihi an duh mi a si, minung ankarh lo tuk caah an khuaruah lei a har, 2019 kum ah naute 865,000 lawng an chuak tiah Kyodo news ah an chuak.

Kum khat hnu kumkhat nau an neih mi a tlawm chin lengmang caah an lung a rawk ngaingai, cu lawng si loin chawva an kawl tuk nak ah nupi pasal a nei mi hmanh hi an kum a upa hnu ah a nei mi an tam tuk i, an nau neih a tlai, cu lawng si loin pakhat hnih lawng an neih manh, cun nau a nei kho ti lo mi an tam caah minung an tlawm chinlengmang nak hi a si.

Nupi le pasal tuan deuh ah an neih lo nak cu chawva le rian kongah an buai peng, rian an tuan tuk caah a si bik, cu caah cun cozah bak nih a thi um mi pawl cu phaisa ting 600.000 bak bawmh ding in timhtuah nak an nei cang, cu lawng si loin hi an bawmh ding mi hna hi thianghlim tein le cozah theih pi nak in a um lawng hi bawmh ding an si. Cun kum 40 tanglei a nei mi pawl hi an i tel chih lai tiah an tar.

 81 total views,  1 views today

This function has been disabled for Chin 11 News.